Krwang na Karowe
Laa tonu bapuba lang. David om Kalum Laa khat.
Mi nunna krwang ding karo pi thangne, balangbe maanna ringnu lang hweini rwe khatle ani Pa na maan khou pi thang rwe, lozaang sanu rithoi bing le diga maan kadou lang hung rwe khatle kachaak luthop bina run thang rwe. Baom kasanu lang chungna make atiyeda ani Pa khou balumsanu bina maan baan ongme, Bakut na maan ding munanu chwan ongnu nun bingza nam lousulune.
21 1He ani Pa, Naom natnu bina krwang karowe; Naom ringriak bina maan taswang khakka karowe! 2Nangna maan khou basung bathainu pi thang rwe, khatle bamun na Nakhou hweininu ding Nangna khwam thang make. 3Balangbe Nangna lozaang sanu rithoi bing le diga maan kadou lang hung rwe; Nangna bathiangnu kachaak om luthop balu bi run thang rwe. 4Maanna Nakhou ringnu lang hweini rwe, khatle Nangna maan khou haga pi thang rwe—khwa sei lang khwa seiga ni leng ga pi thang rwe. a a v4 David om krwang khou pi thang damnu "khwa sei lang khwa seiga ringnu" rakhum ga, thinu na nam ngaak tam maknu ring thou latnu Krwang, Jisu khou bakalan tang nge. 5Naom ringriak bina baom lwat ga lianne; Nangna maan khou baannu khatle ngam liannu pi thang nge. 6Batak takka Nangna maan khou khwa sei maknu rithoi bing pi thang rwe, khatle Nameithaan bi karonu na maan ding pi karo thang rwe. 7Balangbe krwang na ani Pa ding balumsaye; nai maknu kriangnu paan bina, Bakung tonu ani Pa, maan kanuk laye.
8Nakut na Nating munanu nun bing ding nam lousulune; Nakut inchang na Nang ding batannu nun ding nam lune. 9Nang indao thangnu kaan bi Nangna bani ding mei choknu meikhun danga to thanglune. Ani Pa na Babalung pwan bina bani ding kadwan damlune, khatle Baom meina bani ding to braan damlune. 10Nangna talei ram bina bani om kik taat ding to braan damlune, misa nun lak pina bani om sa rwan ding to braan damlune. 11Banina Nang ding kasianu chwan ongluga tup laang ong beida, banina to kaling tam laye. 12Balangbe bani mai kum bi Naom thanthing ding Nangna lang tingnu kaan bi, Nangna bani ding han kanei hung thang lune.
13He ani Pa, Naom natnu bina pi basaang ka thang ngo! Anina singga Naom ngam ding swanne.