Ashdod Ossuriya qoʻliga tushadi
Otamiz Ishayoga motam libosini va choriqlarini yechib, uch yil yalangʻoch va yalangoyoq yurishni buyuradi — bu ochiq-sochiq holda haydab ketilayotgan asirlarning tirik suratidir. Bu Yahudoning oʻsha ittifoqchilarga boʻlgan ishonchiga qaratilgan. Sohil ahli qanday qutulamiz deb soʻraydi.
20 1Ossuriya podshosi Sargon yuborgan bosh sarkarda Ashdodga kelgan yili, u Ashdodga hujum qilib, uni qoʻlga kiritdi.
2Oʻsha paytda Otamiz Amoʻz oʻgʻli Ishayo orqali shunday dedi: “Belingdagi motam libosini yechib tashla, oyogʻingdagi choriqni ham yech.” Ishayo shunday qildi: yalangʻoch va yalangoyoq yurdi. 3Shunda Otamiz dedi: “Qulim Ishayo Misr bilan Kushga qarshi belgi va alomat sifatida uch yil yalangʻoch, yalangoyoq yurgani kabi, a a v3 Kush hozirda Sudan va shimoliy Efiopiya joylashgan hududning qadimgi nomidir. 4shu kabi Ossuriya podshosi Misr asirlarini va Kush surgunlarini, yoshu qarini yalangʻoch, yalangoyoq, orqalari ochiq holda haydab ketadi — bu bilan Misrning sharmandaligi fosh boʻladi. 5Oʻshanda ular umid bogʻlagan Kush va faxrlangan Misr tufayli sarosimaga tushib, uyatga qoladilar. 6Oʻsha kuni bu sohil xalqi shunday deydi: «Mana, Ossuriya podshosi qoʻlidan qutulish uchun madad soʻrab panoh izlab borgan, umid bogʻlagan joyimizning oqibati shu boʻldi! Endi biz qanday qutulamiz?»”