Mi eng' bukuit

Isaiah 20 FHB Father's Heart Bible™

Kiistoi 15% eng' kiy ne iale korook →
Bukuit

Kibutyi Ashdod eng' Assyria

Koleenji Kwandanyo Isaiah koreegu kuniennyi ak sandennyi, ak kowendoti aach ngor ak ma tinyei kweonik kenyiisyek somok—kaboorunet ne sobei ne po che kimut aach ngor. Nooto ko agobo mang'unetap Judah eng' pororyosyek che kiting'egei kasyinet. Teebe piigap emet ne neegit nyanjet olete kichilil icheek.

Ng'alaali Kwandanyo eng' mustarisyek 2–6

Sura 20.

Eng' kenyiit ne ki nyo kiptaiyatap lugeet ne oo Ashdod, ne ki iyook Sargon laitoryatap Assyria, kibar Ashdod ak koluul.

Eng' sainooto ki ng'alaal Kwandanyo eng' Isaiah weeriitap Amos, koleenji, “Ireegu kuniet eng' sueng'ung' ak ireegu kweoniguk eng' keelyeguk.” Ki yai ko uu nooto, kowendoti aach ngor ak ma tinyei kweonik. Yeityo ki mwa Kwandanyo koleenji, “Ko uu ye ki wendoti otwogindennyu Isaiah aach ngor ak ma tinyei kweonik kenyiisyek somok, koek kaboorunet ak omeny agobo Misiri ak Kush, a a v3 Kush ko kainet ne po kogeny ne po emet ne mi ra Sudan ak komostap murot ne po Ethiopia. ara komut laitoryatap Assyria luulenigap Misiri ak kiprutoinigap Kush, che mengech ak che gaa, aach ngor, ma tinyei kweonik, ak ko kagoistogei ngoroikwak—si koboor liilutetap Misiri. Yeityo konyiget icheek ak koliilandos amu Kush ne ki mang'unotennywa ak Misiri ne ki kalasunennywa. Eng' peetuunooto, kole piigap emoni ne neegit nyanjet, ‘Ogeer ne kagobiit mang'unennyo, ole ki kimwei si kinyooru toreet, si kisarwech eng' laitoryatap Assyria! Kichilil ano acheek?’”