Ashdod Assiria to tuongkei
Seneibü Bouei Isaia to haoeibü senou hoba you ngok nei hangletan, po sem naketlangan hoba you ngok akiko paibü dogo laukei—kho langsenbü shuong naketlangan leilangtila shanga maangpanglabü che ki. Kho Jihudabü mütshuong ho maanglem shuong to mailembü shanga ki. Yungkoa kibü mütliei, senei lalokche satenlabü dogo phelabü.
20 1Assiriabü Choba Sargonei hautibü lakjaibü leiyeibou Ashdod to loubü poa, haoei Ashdod khulimbo wapyokei hoba kho lekei.
2Kho jihsiphaia Bouei Amozeibü shou Isaia danko laukei, “Kaibü shenjang ka senou nei hangletashi hoba kaibü you ka ngok hangletashi.” Hobaje haoei kho tegü kümbei, hoba hao naketlangan hoba you ngok akiko paikei. 3Kheijinei Bouei laukei, “Ngeibü khangenbou Isaia Ijep hoba Kush khulimbo tetsida hoba maangpanglabü che yeiko, po sem naketlangan hoba you ngok akiko paibü tegü, a a v3 Kush kho tat Sudan hoba Ethiopia chaangto kibü kaodakeibü shangiednyu nyen ki. 4kho tegü Assiriabü Chobaei Ijepbü langsenbü shuong hoba Kushbü yenshuong, younak hoba jaile, naketlangan, you ngok akiko, khukhu haangalongko leilangtilabü; hibü Ijepbü himou loushatda. 5Kheijinei haoen haoeneibü maanglem Kush hoba haoeneibü the lenbü Ijep laüa shatko hoba himouko kilabü. 6Kho chaloua, ao yungnyu kaophei mütshuongei laulabü, ‘Chühashi, Assiriabü Choba ik ka khümenla shanga sen thuila satbü seneibü maanglem lai yeikei! Senei lalokche satenlabü?’”
