ಯೆಶಾಯ 20 FHB Father's Heart Bible™

20 ¹ಅಶ್ಶೂರದ ಅರಸನಾದ ಸರ್ಗೋನನಿಂದ ಕಳುಹಿಸಲ್ಪಟ್ಟ ಸೇನಾಧಿಪತಿ ಅಶ್ದೋದಿಗೆ ಬಂದು ಅದರ ಮೇಲೆ ಯುದ್ಧಮಾಡಿ ಅದನ್ನು ವಶಪಡಿಸಿಕೊಂಡ ವರ್ಷದಲ್ಲಿ,

²ಆ ಕಾಲದಲ್ಲಿ ನಮ್ಮ ತಂದೆ ಆಮೋಚನ ಮಗನಾದ ಯೆಶಾಯನ ಮೂಲಕ, “ನಿನ್ನ ಸೊಂಟದ ಗೋಣಿತಟ್ಟನ್ನು ಬಿಚ್ಚಿ ನಿನ್ನ ಕಾಲುಗಳ ಕೆರಗಳನ್ನು ತೆಗೆದುಹಾಕು,” ಎಂದರು. ಅವನು ಹಾಗೆಯೇ ಮಾಡಿ ಬಟ್ಟೆಯಿಲ್ಲದೆ ಬರಿಗಾಲಿನಲ್ಲಿ ನಡೆದಾಡಿದನು. ³ಆಗ ನಮ್ಮ ತಂದೆ ಹೀಗೆಂದರು: “ನನ್ನ ಸೇವಕನಾದ ಯೆಶಾಯನು ಈಜಿಪ್ಟಿಗೂ ಕೂಷಿಗೂ ವಿರುದ್ಧವಾಗಿ ಗುರುತಾಗಿಯೂ ಶಕುನವಾಗಿಯೂ ಮೂರು ವರ್ಷ ಬಟ್ಟೆಯಿಲ್ಲದೆ ಬರಿಗಾಲಿನಲ್ಲಿ ನಡೆದಂತೆಯೇ, ^a a v3 ಕೂಷ್ ಎಂಬುದು ಈಗ ಸುಡಾನ್ ಹಾಗೂ ಉತ್ತರ ಇಥಿಯೋಪಿಯಾ ಆವರಿಸಿರುವ ಪ್ರದೇಶದ ಪುರಾತನ ಹೆಸರು. ⁴ಅಶ್ಶೂರದ ಅರಸನು ಈಜಿಪ್ಟಿನ ಸೆರೆಯವರನ್ನೂ ಕೂಷಿನ ಗಡೀಪಾರಾದವರನ್ನೂ, ಹಿರಿಕಿರಿಯರನ್ನೂ, ಈಜಿಪ್ಟಿನ ಮಾನಭಂಗವಾಗುವಂತೆ ಬೆತ್ತಲೆಯಾಗಿ, ಬರಿಗಾಲಿನಲ್ಲಿ, ಪೃಷ್ಠಬೆತ್ತಲೆಯಾಗಿ ಹೊಡೆದುಕೊಂಡು ಹೋಗುವನು. ⁵ಆಗ ಅವರು ತಮ್ಮ ನಿರೀಕ್ಷೆಯಾದ ಕೂಷಿನ ನಿಮಿತ್ತವೂ ತಮ್ಮ ಹೊಗಳಿಕೆಯಾದ ಈಜಿಪ್ಟಿನ ನಿಮಿತ್ತವೂ ಕಳವಳಗೊಂಡು ನಾಚಿಕೆಪಡುವರು. ⁶ಆ ದಿನದಲ್ಲಿ ಈ ಕರಾವಳಿಯ ಜನರು, ‘ನೋಡಿ, ನಮ್ಮ ನಿರೀಕ್ಷೆಯ ಗತಿ ಹೀಗಾಯಿತು! ಅಶ್ಶೂರದ ಅರಸನಿಂದ ತಪ್ಪಿಸಿಕೊಳ್ಳಲು ಸಹಾಯಕ್ಕಾಗಿ ನಾವು ಓಡಿಹೋದದ್ದು ಇಲ್ಲಿಗೆ! ನಾವು ಹೇಗೆ ತಪ್ಪಿಸಿಕೊಂಡೇವು?’ ಎಂದು ಹೇಳುವರು.”