Ashdod Asiria Dang Laoa
Asen Tebui Isaia dang, pei anemsü aser tsüngsem semzüka, mangsa aser tsüngsem makai küm asem ao, ta ashi—tepuokertem mangsa agi rishia aoba o tajungtiba ka. Aji Yihuda iba teimla anema tetsübutsüba lir. Tzüyim anasa lima nüburtemi, asenok koda jenoktsü, ta aku.
20 1Asiria chuba Sargoni yoka temeranger telok tanishir Ashdod dangi aruba küm nung, pai Ashdod anema rara aser aji agi.
2Iba mapang nung Amoz jabaso Isaia ajanga asen Tebui ashi, “Ne teperem nungi anemsü semzükang aser ne tsüngsem ne tetsüng nungi semzükang.” Aser pai yamaji inyak, mangsa aser tsüngsem makai jaja. 3Idangji asen Tebui ashi, “Kü tenzüker Isaia Ijip aser Kush anema temaitsü aser tesüngmangtsü asoshi, mangsa aser tsüngsem makai küm asem jajaba ama, a a v3 Kush shiba tang Sudan aser Etiopia kolaklen aliba limar akhi mapang tenüng liasü. 4yamaji Asiria chubai Ijip tepuokertem aser Kush amungertem, tanur tain ajak, mangsa aser tsüngsem makai, pei tangtang mangsa agi Ijip maksü atalokdak, apuso bener aotsü. 5Idangji parnok teimla Kush aser parnok tenteta Ijip mechi, parnok ajensatsü aser akseta alitsü. 6Iba anogo nung, iba tzüyim anasa aliba lima nüburtemi ashitsü, ‘Reprangang, asenok Asiria chuba nungi kümzüktsü asoshi yaritsü jena oba asen teimlaji, yamai aküm! Tang asenok koda jenoktsü?’”