ஏசாயா 20

20 ¹அசீரியாவின் ராஜாவாகிய சர்கோனால் அனுப்பப்பட்ட படைத்தலைவன் அஸ்தோத்துக்கு வந்து, அஸ்தோத்தின்மேல் யுத்தம்பண்ணி அதைப் பிடித்த வருஷத்திலே,

²அக்காலத்திலே எங்கள் பிதா ஆமோத்சின் குமாரனாகிய ஏசாயாவைக்கொண்டு: “உன் இடுப்பிலிருந்த இரட்டை அவிழ்த்து, உன் கால்களிலிருந்த பாதரட்சைகளைக் கழற்றிப்போடு” என்றார். அவன் அப்படியே செய்து, வஸ்திரமில்லாமலும் வெறுங்காலோடும் நடந்தான். ³அப்பொழுது எங்கள் பிதா சொன்னதாவது: “எகிப்துக்கும் கூஷுக்கும் விரோதமான ஓர் அடையாளமும் குறிப்புமாய், என் ஊழியக்காரனாகிய ஏசாயா மூன்று வருஷம் வஸ்திரமில்லாமலும் வெறுங்காலோடும் நடந்ததுபோல, ^a a v3 கூஷ் என்பது இப்பொழுது சூடானையும் வடக்கு எத்தியோப்பியாவையும் உள்ளடக்கிய பிரதேசத்தின் பூர்வீக நாமம். ⁴அப்படியே அசீரியாவின் ராஜா எகிப்தின் சிறைபிடிக்கப்பட்டவர்களையும் கூஷின் அடிமைகளையும், இளைஞரையும் முதியோரையும், நிர்வாணமாகவும் வெறுங்காலோடும் பிட்டம் திறந்தவர்களாகவும் ஓட்டிக்கொண்டுபோய், எகிப்தின் வெட்கத்தை வெளிப்படுத்துவான். ⁵அப்பொழுது அவர்கள் தங்கள் நம்பிக்கையாகிய கூஷினிமித்தமும், தங்கள் பெருமையாகிய எகிப்தினிமித்தமும் கலங்கி வெட்கப்படுவார்கள். ⁶அந்நாளிலே இந்தக் கடற்கரை நாட்டு மக்கள்: ‘அசீரியாவின் ராஜாவினின்று விடுவிக்கப்படும்படி நாம் உதவிக்காக ஓடிச்சென்று நம்பியிருந்ததின் கதியைப் பாருங்கள்! நாம் எப்படித் தப்பிப்போம்?’ என்பார்கள்.”