Ashdod Assyriawui pāngli Tāzanga
Ithumwui Avāna Isaiahli awui sakkhon kala phanaobing shomida kum kathum kathang masira ngasāda kala phanao maleila kathui ngasāranu hānga — mi-khoyā ngasāda mayonkahai mibingwui ringkapha kaji akha. Chi kasā chi Judahna chi ngaranabingli shitsang kasā ngaranda sāa. Ngahārāng kalāng ramnaobingna kathāda zāngarānra hāngda ngahanga.
20 1Assyriawui awunga Sargonna chihovā raimi kathāna Ashdodli vā kum, ana Ashdodli ngararlaga khuihaowa.
2Atam chitharan ithumwui Avāna Amozwui naomayara Isaiahwui mangā eina hānga, "Nawui kashānwui eina bora khalātalu, kala napheiwui eina pheihop khuishokhaolu." Ana chithāda sai, mahonghat kala pheikhaikhang eina zata. 3Chieina ithumwui Avāna hānga, "Iwui rao Isaiahna Egypt eina Cushwui pongli machut kala khayang sāda, zingkum kathum mahonghat kala pheikhaikhang eina zatkahai thāda, a a v3 Cush chi ara Sudan kala kazuk Ethiopiana katummi apamwui achama amingna. 4chithāda Assyriawui awungana Egyptwui tukkahaibing kala Cushwui raithā kahaibing, khararnaosan mateila, mahonghat, pheikhaikhang, ashun theingasakta thānthuira, kala Egyptwui maishi chitheimira. 5Chieina athumwui kachihān Cush kala athumwui lāngso Egypt chiwui vang eina athumna sākazamra kala khayakra. 6Chitharan, hi shamadrupheiwui mibingna hāngra, 'Yanglu, ithumna ngachonmi khavai kala Assyriawui awungawui pāng eina ngatangmi khavai yāmvā apam, ithumwui kachihān chi khi shokkahaina! Ithum kathada latshokrakhala?'"
