Assyria-e Ashdod meniva
Ha Poe Isaiah ce poti, N gakhrofü mu pheku kerüva die, müthu mu pheku kemo, tütse sü ta chote—hihi khresao müthu ta chopü mhaphrüsü zo. Süo Judah-e tüyo kelayi miko lü melü keta ce po kesü. Dao kereshü cejü thümakoe poti, Ha dipü bide thürayi ta?
Ha Po verse hikolü po ba 2–6
20 1Assyria kedeo Sargon-e ketsüpü thipahe kezhoo Ashdod lü tavori tütselü, pü Ashdod zü theri thi die süo sajü kepota.
2Süo tütselü ha Po Amoz nuo Isaiah zü po die, “N shepha celü gakhrofü kerüva die n pheyo n pheku phrü vate.” Pü sizi thita, müthu mu pheku kemo ta chota. 3Süsa ha Po poti, “A theküo Isaiah müthu mu pheku kemo tütse sü ta chopü sheri, Egypt mu Cush ce zasi mu mhakesu küto, a a v3 Cush hi, tüce Sudan mu Ethiopia kephi cejü thiketao süo utsüpu zapo zo. 4Süla Assyria kedeo-e Egypt thejümiko mu Cush resomi, khresao mu pethio, müthu, pheku kemo, u thotho müthu de, Egypt kemenga mesemengo süto. 5Süsa, u kemeri Cush mu u kümüha Egypt lamori, uko rhaphre vato mu thenga thitato. 6Süo tüsozho nhalü, hio dao kereshü cejü thümako poto, ‘Hihe, ha kelayi ketola, Assyria kedeo celü, ha khrühi ngoyi ketola ha rükri lü süo ha kemeri hi, dibi tata ngote! Ha dipü bide thürayi ta?’”
