اشدود د اسور په لاس سقوط کوى

زموږ پلار اشعیا ته وایي چې خپل ټاټ او څپلۍ وباسي او درې کاله لوڅ او پښې لوڅې وګرځي — د هغو بندیانو ژوندی انځور چې لوڅ بیول کېږي. دا د یهودا پر هغو متحدینو باور ته متوجه دی. د سمندر غاړه پوښتنه کوي چې څنګه به وتښتي.

څپرکی 20.

په کوم کال کښې چې د اسور بادشاه سرجون لوئ سپه سالار اشدود ته ولېږلو، نو هغۀ په اشدود حمله وکړه او هغه يې ونيولو.

په هغه وخت کښې پلار د آموص زوئ يسعياه په وسيله ووئيل چې، ”ستا د ملا نه ټاټ خلاص کړه او خپلې پښې نه بوټان وباسه.“ نو هغۀ هم داسې وکړل او بربنډ او پښې لوڅ ګرځېدو. بيا پلار وفرمائيل چې، ”لکه څنګه چې زما خادم يسعياه د مصر او کوش په خلاف د نښانې او بد شګون دپاره درې کاله بربنډ او پښې لوڅ وګرځېدو، ^a هم هغه شان به د اسور بادشاه د مصر بنديان او د کوش جلاوطن، ځوانان او بوډاګان، بربنډ، پښې لوڅ او د وروستو نه لوڅ وشړى، چې د مصر شرم به ترې ښکاره شى. نو هغوئ به د خپل اُميد کوش او د خپل فخر مصر په سبب بدحواسه او شرمنده شى. په هغه ورځ کښې به د دې ساحلى علاقې خلق ووائى چې، ’وګوره زمونږ د اُميد انجام څۀ شو، چرته چې مونږ د مدد دپاره وتښتېدو چې د اسور د بادشاه نه وژغورلے شُو! نو اوس به مونږ څنګه بچ شُو؟‘“