ኣዛጦን ናብ ኢድ ኣሶር ወደቐት
ኣቦና ንኢሳይያስ ወጮኡን ኣሳእኑን ኣውፂኡ ንሰለስተ ዓመት ጥራሑን ጥራሕ እግሩን ክመላለስ ነገሮ — ሕያው ስእሊ ናይቶም ተቓሊዖም ዝውሰዱ ምሩኻት። እዙይ ነቲ ይሁዳ በቶም ኪዳን ዝኣተዎም ዝገበሮ ትውክልቲ ዝዓለመ እዩ። እታ ገምገም ባሕሪ ኸዓ ኸመይ ኢላ ኸም እትመልጥ ትሓትት።
20 1ኣብታ ሳርጎን ንጉስ ኣሶር ዝለኣኾ ሓለቓ ሰራዊት ናብ ኣዛጦን ዝመፀላ ዓመት፥ ንኣዛጦን ተዋጊኡ ሓዛ።
2በቲ ጊዜ እቲ ኣቦና ብኢሳይያስ ወዲ ኣሞፅ ገይሩ ከምዙይ ተዛረበ፦ “ነቲ ኣብ ሕቘኻ ዘሎ ወጮ ፍታሕ፤ ኣሳእንካ ኸዓ ኻብ ኣእጋርካ ኣውፅእ።” ንሱ ድማ ከምኡ ገበረ፤ ጥራሑ ኮይኑ ጥራሕ እግሩን ተመላለሰ። 3ኣቦና ድማ ከምዙይ በለ፦ “ከምቲ ባርያይ ኢሳይያስ ኣብ ልዕሊ ግብፂ፥ ኣብ ልዕሊ ኵሽ ድማ ንምልክትን ንመደነቕን ኢሉ ንሰለስተ ዓመት ጥራሑ ኮይኑ ጥራሕ እግሩን ዝተመላለሰ፥ a a v3 ኵሽ፥ ነቲ ሕዚ ሱዳንን ሰሜናዊ ኢትዮጵያን ዝሽፍንዎ ቦታ፥ ጥንታዊ ስሙ እዩ። 4ከምኡ ድማ ንጉስ ኣሶር ንምሩኻት ግብፂ፥ ንስደተኛታት ኵሽ ድማ፥ ንኣሽቱን ዓበይትን፥ ጥራሖም፥ ጥራሕ እግሮም፥ መቐመጫኦም ተቓሊዑ፥ ንሕፍረት ግብፂ እናገለፀ ይወስዶም። 5ሽዑ ብሰንኪ ኵሽ ተስፋኦምን ግብፂ ትምክሕቶምን ክሰናበዱን ክሓፍሩን እዮም። 6በታ መዓልቲ እቲኣ ሰብ እዛ ገምገም ባሕሪ እዚኣ ከምዙይ ክብሉ እዮም፦ ‘እንሆ፥ ካብ ንጉስ ኣሶር ክንድሕን ኢልና ንሓገዝ ናብኡ ዝሃደምናዮ ተስፋ ከምዙይ ኮይኑ እዩ! ንሕና ደኣ ኸመይ ኢልና ኽንመልጥ ኢና?’”
