Weeriigap Kora
Agobo kondaiyatap musik. Tyendap weeriigap Kora.
Ki kinyoiywe Kwandanyo tengektap piichu koloo, ak soomei icheek koyai kora ne ma konorchini agoi ibinwek tugul. Agas icheek walutyet ne po kaalyeet, ak kaboorunet: tuiyei rireenet ak imanit, ak kong'utei imanda ak kaalyeet, ak koonei emet kesisyennyi.
85 1Ki iboorchi chameet emeng'ung', Kwandanyo; ki iweekyini Jakobo mogornatennyi. 2Ki inyoiywe tengektap piiguk; ki ituch ng'oogiswekwak tugul. 3Ki istoe nereegeguk tugul; ki iweigei eng' angeeng'ung' ne lalei.
4Weekech, Kwandanyo, yetunennyo; istoe angeeng'ung' ne agobo acheek. 5Inereechech koigeny? Inorchini angeeng'ung' agoi ibinwek tugul? 6Tos ma isoobech kogeny, si koboiboitu piiguk eng' inyee? 7Iboorwech rireeneng'ung', Kwandanyo, ak ikoonech yetuneng'ung'.
8Koono agas ne mwaei Kwandanyo, amu mwaei kaalyeet piiguk, che po iman; ago mata koweekyigei ortinwekwak che perber. 9Iman ko riik yetunennyi che iywei ineendet, si komeny toroornatet emennyo. 10Ka tuiyo rireenet ak imanit tuwai; ka kong'utut imanda ak kaalyeet. 11Mong'u imanit eng' ng'wony, ak keer imanda kobun kipsengwet. 12Ee, koonu Kwandanyo ne myee, ak kooi emennyo kesisyennyi. 13Wendi imanda eng' taitap ineendet, ak kochop ooreet agobo tyegutikyik.