Kora shousi shuong
Chia atbü leiyeibü shanga. Kora shousi shuongeibü chia che.
Seneibü Bouei ho mütli shedbü shangied ka apbukei, hoba meten pendou to khauangbü toje, nyibou kho kümla haoen ditda. Haoen ditbü jongaibü kho sangmai ki, hoba chühbü peisilei: üeisanou hoba maanglemenbü liko haüyobü, saopobü hoba sangmai sembung shepbü, hoba kaodakei haoeibü hek hekkubü.
85 1Nyi kaibü kaodak to onou lenkei, seneibü Bou; Jakob thu nyi kümetkei. 2Nyi kaibü mütli shedbü apbukei; haoeneibü shabü pendou hukei. 3Nyi kaibü maangshat pendou sepeikei; kaibü khau lotbü ka sepeinyu ngaikei.
4Sen longeitishi, seneibü Bou, seneibü khümenbü; sen khulimbo kaibü wansak ange sepeiashi. 5Nyi sen khulimbo ponpen khauanglabü lo? Meten pendou to kaibü khauang phoyolabü sai? 6Nyi sen nyibou asisiktilabü lo, kheijinei kaibü mütli ka to olinyolabü. 7Sen la kaibü üeisanou lenshima, seneibü Bou, hoba kaibü khümenbü sen la kushima.
8Seneibü Bouei ai laulabü kho ngei dittiashi; aishanga haoei haoeibü mütli to, haoeibü maanglembü shuong to, sangmai laulabü; lausikei haoen jembü ngoubü lamnyu to sepeinyu tengai. 9Tükde haoeibü khümenbü hao to souhatbü shuong to nyangko ki, kheijinei soneikangbü seneibü kaodak ka kilabü. 10Üeisanou hoba maanglemenbü liko haüyokei; saopobü hoba sangmai sembung shepbei. 11Maanglemenbü kaodak ka pakda, hoba saopobü müh ka yanko chühda. 12Haü, seneibü Bouei maibü kho kulabü, hoba seneibü kaodakei haoeibü hek hekkulabü. 13Saopobüei hao thedanga haulabü, hoba haoeibü younak shanga lam lamlelabü.
