قورَخ اؤولادلاری
موسیقی باشچیسی اوچون. قورَخ اؤولادلارینین مزمورو.
آتامیز بو خالقی اَوّللر باغیشلاییب، و اونلار ائسته‌یئرلر کی، نسئل‌لر بویو قضبلی قالماق یرئنه، گئنه ده باغیشلاسین. اشئتدئکلری جاواب باریشدیر، و بئر شکئل: محبّت و وفا راست گلئر، عدالت و باریش اؤپوشور، تورپاق اؤز محصولونو ورئر.
85 1سن اؤز تورپاغینا لوطف گؤرسه‌دئن، ای آتا؛ یعقوبون اسئرلرئنی گری قایتاردین. 2اؤز خالقینین تقصئرئنی باغیشلادین؛ بوتون گوناهلارینی اؤرتدون. 3سن بوتون قضبئنی گری چکدین؛ آلوولانان قضبئندن دؤندون.
4بئزی برپا ات، ای آتا، ای نئجاتیمیز؛ بئزه اولان حئرصئنی اوزاقلاشدیر. 5آیا ابده کئمی بئزه قضبلَنه‌جکسن؟ آیا نسئلدن-نسئله قضبئنی اوزاداجاقسان؟ 6آیا بئزی تزه‌دن دئرئلتمه‌یه‌جکسن، اله کی، خالقین سنده شادلیق اتسئن؟ 7اؤز محبّتئنی بئزه گؤرسد، ای آتا، و نئجاتینی بئزه ور.
8قوی آتانین نه دیئه‌جه‌یئنی اشئدئم، چونکی او، اؤز خالقینا، وفالی‌لارینا باریش سؤیله‌یه‌جک؛ آمّا قویما اونلار اؤز آغیلسیز یوللارینا قاییتسینلار. 9حقئقتن اونون نئجاتی اوندان قورخانلارا یاخیندیر، اله کی، جلال بئزئم تورپاغیمیزدا ساکئن اولسون. 10محبّت و وفا بئر-بئرئنه راست گلدئلر؛ عدالت و باریش اؤپوشدولر. 11وفا یردن جوجَرئر، و عدالت گؤیدن آشاغی باخار. 12بلی، آتا یاخشی اولانی وره‌جک، و بئزئم تورپاغیمیز اؤز محصولونو وره‌جک. 13عدالت اونون قاباغیندا گده‌جک و اونون قدملری اوچون یول حاضیرلایاجاق.
