Zanak’i Kora
Ho an’ny mpitondra ny hira. Salamo ho an’ny zanak’i Kora.
Efa namela heloka ity vahoaka ity i Rayntsika taloha, ary angatahiny hanao izany indray fa tsy hijanona ho tezitra mandritra ny taranaka maro. Ny valiny re dia fiadanana, sy sary iray: mihaona ny fitiavana sy ny fahamarinana, mifanoroka ny fahamarinana sy ny fiadanana, mamoa ny vokatra ny tany.
85 1Nankasitraka ny taninao Ianao, Rainay; nampody ny fahasambaran’i Jakoba Ianao. 2Namela ny helok’ny olonao Ianao; nanarona ny fahotany rehetra Ianao. 3Nanala ny fahatezerana rehetra Ianao; niala tamin’ny fahavinirana mirehitra Ianao.
4Avereno izahay, Rainay famonjena anay; esory ny fahasosoranao aminay. 5Moa hahatezitra aminay mandrakizay va Ianao? Moa hampaharetsinao hatramin’ny taranaka rehetra va ny fahatezeranao? 6Moa tsy hamelona anay indray va Ianao, mba hifaly aminao ny olonao? 7Asehoy anay ny famindrampo mitahiry ny fanekenao, Rainay, ary omeo anay ny famonjenao.
8Aoka hhenoko izay holazain’i Raintsika, fa fiadanana no hotenenin’Izy amin’ny olony, dia ireo mahatoky Aminy; fa aoka tsy hiverina amin’ny fiainany adala izy ireo. 9Marina fa akaiky ireo matahotra Azy ny famonjeny, mba hitoetra ao amin’ny tanintsika ny voninahitra. 10Nifankahita ny famindrampo sy ny fahatokiana; nifanoroka ny fahamarinana sy ny fiadanana. 11Mitsimoka avy amin’ny tany ny fahatokiana, ary mijery avy any an-danitra ny fahamarinana. 12Eny, Raintsika no hanome izay tsara, ary ny tanintsika no hamoa ny vokatra. 13Handeha eo alohan’Azy ny fahamarinana ary hanamboatra ny lalana ho an’ny diany.
