Iirwogei Kwanda Pororyosyek
Pororyosyek che ki ald lagogap Judah ak koip tuguuk che po Hekalut, kiguurei icheek kobwa atebweetap Jehoshaphat si keyai kirwooget. Poriseni Kwandanyo kobun Sion, ago ko ineendet kaalyeet eng' piikyik; rootune divaik tuloonook, ak menyei ineendet Sion.
Ng'alaali Kwandanyo eng' mustarisyek 1–8, 12–13, 17–21
3 1“Amu keero, eng' peetuusyechooto ak eng' kasaranooto, ye aweekyini aiyebindo Judah ak Jerusalem, 2Ayumtos pororyosyek tugul ak achoorto icheek atebweetap Jehoshaphat. Airwogei icheek eng' olooto agobo piikyuk, porotennyu Israel, che ki kiyesta among pororyosyek; amu ki pchei emennyu, a a v2 Kainetap Jehoshaphat ko "irwogei Kwanda" — amwaitoi kainetap atebweet kirwoogetnooto ne yaei eng' olooto. 3ak ki iser parbareek agobo piikyuk. Ki wal weeroto eng' chepkugoniot, ak ki ald chebooto eng' divaik che ee.
4“Nguno, nee ne otinye agobo anee, Tyro ak Sidon, ak komoswek tugul che po Philistia? Tos orepaiwo agobo kiy ne kayai? Ngot orepaiwo anee, aweekyini chaakte ak labat ne oyai parak metiweguk. 5Amu ki onam fedhanyu ak thahabunyu, ak oip konoraikyuk che korooron miising' koba kootap kamuktaindetiguk. 6Ki ald piigap Judah ak Jerusalem eng' Yunanik, si oistoi icheek loo eng' emennywa.
7“Ago keero, aing'eeti icheek eng' olooto ki aldoi icheek, ak aweekyini ne oyai parak metiweguk. 8Aaldochi weeriiguk ak tiibiiguk eng' piigap Judah, ak koaldochi icheek eng' Sabei, eng' pororyet ne loo— amu kamwae Kwandanyo.”
9Omwaite ni among pororyosyek: Ochobchigei lugeet! Oing'eetyee murenik! Koneegit murenik tugul che po lugeet ak kotogosta. 10Oboor marusyekwok koek rotonik ak marunikwok koek ng'otwek; komwa ne ma kiim kole, “Anee ne po lugeet.” 11Ochaakte ak obwa, okweek pororyosyek tugul che yiemei, ak oyumgei olooto. Ichoorto mureniguk, Kwandanyo.
12“Koing'eetyee pororyosyek ak kotogosta atebweetap Jehoshaphat; amu atebi eng' olooto airwogei pororyosyek tugul che yiemei. 13Oges ak chepkeswet, amu kaneegit rurutik. Obwa, otue, amu nyiitaat ole kitue sabibuk ak kong'irtagei tereenik— amu oo tengektonywa.”
14Piik che chaang', piik che chaang' eng' atebweetap kirwooget! Amu kaneegit peetuutap Kwandanyo eng' atebweetap kirwooget. 15Koek asiista ak arawet mesundeito, ak koisto kecheik lelutikwak. 16Poriseni Kwandanyo kobunu Zion ak kowaach kutinnyi kobunu Jerusalem; kibotanso kipsengwet ak ng'wony. Ago Kwandanyo ko ole mang'une piikyik, irimeet eng' lagogap Israel.
Iweekyini Kwanda Piikyik
17“Yeityo onai ile anee Kwandang'wong', ne meny Zion, tulweetnyu ne tiliil. Koek Jerusalem ne tiliil, ak ma kosiirto toek kogeny olooto.
18“Ak eng' peetuunooto, koisau tuloonook divaik che leelach, korootune tuloonook che mengeechen cheego, ak korootune ortinwegap Judah tugul peek. Korootune kondap peek kobunu koonnyu, ak kong'aii atebweetap chebitoik. 19Koek Misiri surkwen ak koek Edom surkwen ne kuberot, amu koroomnateet ne ki kiyachi piigap Judah, eng' emennywa ole ki tumda korotiik che ma tinyei tengek. 20Ago komenyei Judah koigeny, ak Jerusalem eng' ibinwek tugul. 21Atiliil tengektap korotiik che ki tumda agobo icheek—ne tomo atiliil—amu menyei Kwandanyo eng' Zion.” b b v21 Eng' ole mwaei Bukuuk alak che tiliil kole, “iweeri korotiikwak,” ko riipei Kwandanyo lagoguk kosir chuto che tumda korotiikwak — koip imanda, ma iweenet ne ling'ei.