Mi eng' bukuit

Komong'u 35 FHB Father's Heart Bible™

Kiistoi 15% eng' kiy ne iale korook →
Bukuit

Koguur Musa Pororyet

Komwachi Musa pororyet kiit ne ki ng'at Kwandanyo, ak kagoochinet ko po chamyet komugul: chii age tugul ne chamei muguleldanyi koip thahabu, angook, koroorik, mwaita, ak koik che kiguure soam. Kwonyiik che ng'oom koletis eunekwak. Kekuure Bezalel ak Aholiab, kagoochinotin ng'omnateet ma kityo si koyai ago si koneet alak.

Sura 35.

Ki yum Musa pororyet tugul ne po piigap Israel, koleenji, “Chu tuguuk che ki ng'at Kwandanyo si oyai. Oboisyee peetuusyek lo; ne po tisap ko tiliil eng' okweek, sabato ne po kamuung'et eng' Kwandanyo. Age tugul ne boisyei eng' peetuunooto, kebarei iman. Amanaam maat eng' meng'otosyekwok tugul eng' peetuutap sabato.”

Kagoochinet ne po Muguleldo ne Chamei

Koleenji Musa pororyet tugul ne po Israel, “Ni ne ki ng'at Kwandanyo: Onemune eng' okweek kagoochinet ne po Kwandanyo. Ingoip chii age tugul ne chamei muguleldanyi kagoochinetap Kwandanyo: thahabu, fedha ak sugunonik. Angook che buluu, che arusen ne piriir ak che piriireen, katanit ne karaaran, ak koroorigap ng'oroorek, magatogap mengichik che ki kisal kobiriritu, ak magatogap mengichigap peek, ak keetiigap chebitoik, mwaitap kiit ne ikweng'sei, tuguuk che ng'uu ne anyiny che po mwaita ne kiilegei ak che po nyamdutik che kibeelei, ak koik che kiguure soam ak koik che kitetyin, che po ephod ak che po ngoryeetap tegeet.

“Ingonyo chii age tugul ne ng'oom eng' okweek koyai tugul che ki ng'at Kwandanyo: emaitap Kamuktaindet: emainnyi, muiywennyi, kariik, pagoinik, rateiywek, lumeiywek ak kelongonik, moinget kobooto keetiikyik, itoogutap kaalyeet, ak angeet ne kioiye; meset kobooto keetiikyik ak tuguukyik tugul, ak magatiinik che itabaanatiin; kioto ne po kiit, kobooto tuguukyik ak taisyekyik, ak mwaitap kiit; kapkorosutap nyamdutik ak keetiikyik; mwaita ne kiilegei ak nyamdutik che ng'uu ne anyiny; ak angeet ne kisonginine kurgeetap emaitap Kamuktaindet; kaptisisyet ne kibeelee tiseiywot, karnennyi ne po sugunonik, keetiikyik ak tuguukyik tugul; taabeet ak ng'echerennyi, angook che po seremut, lumeiywekyik ak kelongonikyik, ak angeet ne po kurgennyi, tigongenigap emaitap Kamuktaindet ak tigongenigap seremut, kobooto poroonikwak; ngoroik che ki kileet che po poisyet eng' ole-tiliil, ngoroik che tiliileen che po Aron tisiindet, ak ngoroik che po weeriikyik si koboisye tisiik.”

Yeityo komang'une pororyet tugul ne po piigap Israel Musa. Age tugul ne ki ichirchi muguleldanyi, age tugul ne ki igoochi kabuusennyi, ki ip kagoochinetap Kwandanyo che po poisyetap emait ne kituiyechin, ak poisyennyi tugul, ak ngoroik che tiliileen. Ki pwa murenik kobooto kwonyiik tuwai; ki ip tugul che ki chamei mugulelwekwak kariik, munaok, peteinik che po ng'ookset, ak mugurek—tuguuk tugul che po thahabu—ak ki igoito chii age tugul kagoochinet ne kinamjin parak ne po thahabu kigoochi Kwandanyo. a a v22 Kagoochinet ne kinamjin parak ko ki kiit ne ki kinam parak kogoitoi eng' taitap Kamuktaindet koek kitabaanet. Age tugul ne ki tinyei angook che buluu, che arusen ne piriir, anan che piriireen, katanit ne karaaran, koroorigap ng'oroorek, magatogap mengichik che ki kisal kobiriritu, anan magatogap mengichigap peek, ki ip chooto. Age tugul ne ki imuuchi koip kagoochinet ne po fedha anan sugunonik, ki ip koek kagoochinetap Kwandanyo; ak age tugul ne ki tinyei keetiigap chebitoik che po poisyet age tugul, ki ip. Kwony age tugul ne ng'oom ki nabei eng' eunnyi ak koip ne kiga konap: che buluu, che arusen ne piriir, che piriireen, ak katanit ne karaaran. Kwonyiik tugul che ng'oomen che ki ichirchi mugulelwekwak ki nabei koroorigap ng'oroorek. Ki ip kiptainik koik che kiguure soam ak koik che kitetyin, che po ephod ak che po ngoryeetap tegeet, ak tuguuk che ng'uu ne anyiny, ak mwaitap kiit, ak che po mwaita ne kiilegei, ak che po nyamdutik che ng'uu ne anyiny. Murenik ak kwonyiik tugul che po Israel che ki chamei mugulelwekwak, ki ip kagoochinet ne po chamyet kigoochi Kwandanyo che po poisyet tugul ne ki ng'at Kwandanyo eng' Musa.

Kiguur Bezalel eng' Kainennyi

Yeityo koleenji Musa piigap Israel, “Keero, ki iguur Kwandanyo eng' kainennyi Bezalel weeriitap Uri, ne weeriitap Hur, ne mi ooreetap Judah, ak konyiit Kabuusetap Kwandanyo—ng'omnateet, kaguiyet, naet, ak poisyet age tugul ne po musoknateet, si koyai poisyonigap musoknateet, koboisyee thahabu, fedha, ak sugunonik, ak waetap koik che kitetyin ak waetap keetiik, si koyai poisyet age tugul ne po musoknateet. Ki kinde Kwandanyo muguleldap Bezalel si koneet—ineendet ak Aholiab weeriitap Aisamak, ne po ooreetap Dan. Ki anyiit icheek ng'omnateet che po poisyet age tugul—poisyetap musogindet, laindet ne ng'oom, nabiindet ne nabei eng' che buluu, eng' che arusen ne piriir, eng' che piriireen ak katanit ne karaaran, ak poisyetap laindet—che ng'oomen eng' poisyet age tugul, che tinyei kaguiyet.”