Konyo moinget kootap Kwanda
Ki ip moinget koba koot ne kageigeskei, ak konde kurereetap kebebaigap kerubisyek. Ye kingo eny piik che poisyee eiik ak piik che tyeni kutit agenge—Kwandanyo ko myee, chamyennyi ne po arornatet koitune koigeny—konyiitaat karnet koot, ak ma kimuuch tisiik kotonon koboisyee eng' ineendet.
5 1Ki igeskei Solomon poisyet tugul ne agobo kootap Kwandanyo. Yeityo koip tuguuk che kiga kotabaan kwandanyi Daudi—fedha, thahabu, ak tereenik tugul—ak konde konoraik che po kootap Kwandanyo.
2Yeityo koyum Solomon poisyegap Israel, pounik tugul che po ortinwek, ak kandoigap kooriigap kwanisyegap Israel eng' Jerusalem, si koip moingetap arorutyetap Kwandanyo kong'etee nganaseetap Daudi, nooto ko Zion. 3Koyumjigei anyun murenik tugul che po Israel eng' taitap laitoryat eng' igoorto ne po arawet ne po tisap. a a v3 Igoorto ne po arawet ne po tisap ko Igoortap Suumeek, kaiyaetap Israel ne oo ne po kesomet. 4Ye kingo pwa poisyegap Israel tugul, koip Lawiik moinget. 5Ki koip tisiik kobooto Lawiik moinget, ak emait ne kituiyechin, ak tereenik tugul che tiliil che ki mi yooto. 6Ki tonon eng' taitap moinget Laitoryat Solomon kobooto tuiyet komugul ne po Israel ne kiga koyumgei kobootonyi, ak koeny keechiirek ak eiik, che chaang' che ma kimuuchi kiit anan kerar. 7Ki koip tisiik moingetap arorutyetap Kwandanyo kot konyo olennyi, eng' koot oriit ole-tiliil eng' komosta ne Tiliil Miising', bene-berak kebebaigap kerubisyek. 8Amu ki iito kerubisyek kebebaikwak koba parak ole mi moinget, ak ki tuch moinget kobooto keetiikyik che ki ibe kong'etee parak. 9Ki koituutik keetiik che ki ibe kot kigeere tabanwekyik kong'etee moinget eng' taitap koot oriit, ago ma kigeere eng' saang'; tebee yooto agoi rani. 10Ma ki mi eng' moinget kiit age tugul, ago koichooto aeng' kityo che ki inde Musa eng' Horeb, ye ki yai Kwandanyo arorutyet kobooto piigap Israel ye kingo manda eng' Misiri.
11Yeityo komanda tisiik ole-tiliil. (Kiga kotiliiligei tisiik tugul che ki mi, ma kiiti lugosyekwak, b b v11 Ki poisyei tisiik eng' lugosyek che wechisyei poisyet, ne age tugul ki kigochi wigit ne kiere eng' koitatetap Kapkorosuut. 12ak piik che tyeni tugul che po Lawiik—Asap, Heman, Jeduthun, kobooto weeriikwak ak tupchosyekwak—ki tonon murot kong'asiis ne po kaptisisyet, ki ilaachi katanit ne karaaran, kobirei sanisyek che cheeitos, kibugandinik ak ketubosyek, kobooto tisiik pogol lo ak tiptem che kuutei igondisyek.). 13Ki namgei che kuutei igondisyek ak piik che tyeni koek agenge, ak koitoralekji ak koigoiyoor Kwandanyo eng' kutit agenge—kingo togosta weeldonywa kobooto igondisyek, sanisyek che cheeitos ak kibugandisyek, ki itoralekji koleen, “Karaaran ineendet; tebyei rireenennyi koigeny.” Yeityo ki nyiei pooldet kootap Kwandanyo, 14kot koma komuuchi tisiik kotonon si koboisyee amu pooldet, amu ki nyiei toroornatetap Kwandanyo kootap Kwandanyo.