A Tsürö, Sileo Tahite
David la.
David mütsü keho süo sileo zo: pü Po, pü tsüro, pü ce lakemo lize, pü tükhülü lü takemiko bi tasüta. Melülü mhakesu ba sheri be mha kepo thüma züde pü müsüva mote die cü. Mejolü Poe pü rünyi sü, mu prayi süo kümüza vorizo.
28 1Apo, no ce i cüzo; a tsüro, a ce niji tahite, kekrelamori no a ce sileo balize, i tükhülü lü takemiko züh kümüde süto.
2I no ce kra die khrühi shosalize, i a be neko kemesa kereshüce müsü lize, a mezhemelo rünyiyite.
3U melülü kesu ba sheri u süzanumiko ce vetho jü kepo mhakesu kethimiko züde, mu thüma kesuko züde, a süva tahite. 4U mhatho cesü, u mhakesu kethi cesü uko zhokhro khasüte; u be mhatho cesü uko zhokhro khasüte; uko mesü thi u yo khasüte. 5Kekrelamori uko a Po mhathoko mu Pü be mhatho kemha thimo, Pue uko chüsü süto, mu uko sala thime samo tato.
6Ha Po thejo thiyite, kekrelamori Pue a mezhemelo rünyi sü. 7A Po a ku mu a shie zo; a melü Pü yo melüyo, mu i khrühi ngota. A melü nü yo shüzo, mu a tsale yo i Pü thejo khasü.
8A Po pü thümako kuzo; Pü pü niecie süo la kelayi kebara zo. 9Neko thümako küla süte, mu neko heshe heve tsüte; uko kefü die, uko kechothe zapozale püyite.
