ای قایام، سوکوت اتمه
داوودون مزمورو.
داوودون قورخوسو سوکوتدور: اگر آتاسی، اونون قایاسی، جاواب ورمه‌سه، او آرتیق اؤلولر آراسیندادیر. دیله‌یئر کی، مهرئبان سؤزلر دئیئب اوره‌کلرئنده پئسلئک گئزله‌دَن آداملارلا بئرلئکده چکئلئب آپاریلماسین. اورتادا اشئدئلئر و دوعا شوکوره چِورئلئر.
28 1سنی چاغیریرام، ای آتام؛ ای قایام، منه کار اولما، چونکی اگر منه قارشی ساکئت قالاسان، چوخورا اِنَنلر کئمی اولارام.
2رحم اوچون یالواریشلاریمی اشئت، سنه کؤمه‌یه چاغیراندا، اَللرئمی سنئن موقدّس مکانینا طرف قالدیراندا.
3منی پئس آداملارلا بئرلئکده چکئب آپارما، پئسلئک ادنلرله، اونلار کی، قونشولارینا مهرئبان سؤزلر دیئرلر، حال بو کی، اورَکلرئنده پئسلئک وار. 4اونلارا عمل‌لرئنه گؤره عوض ور، اونلارین پئس ائشلرئنه گؤره؛ اونلارا اَللرئنئن ائشئنه گؤره عوض ور؛ لایئق اولدوقلارینی باشلارینا قایتار. 5چونکی آتامین ائشلرئنه و اَللرئنئن ائشئنه هچ اهمئیّت ورمئرلر، اونلاری داغیداجاق و بئر داها تئکمیه‌جک.
6آتامیز موبارک اولسون، چونکی رحم اوچون یالواریشلاریمی اشئدئب. 7آتام منئم قووّتئم و قالخانیمدیر؛ اوره‌یئم اونا ائنانار و منه کؤمک اولونور. اوره‌یئم شادلیقدان ترپَشئر و اؤز نغمه‌مله اونا شوکور ادئرم.
8آتام اؤز خالقینین قووّتئدئر؛ او، اؤز مسح اولونموشونون نئجات قالاسی‌دیر. 9اؤز خالقینی قورتار و اؤز مئراثینا برکت ور؛ اونلارا چوبانلیق ات و اونلاری ابده کئمی داشی.
