Zaburi 28

28 ¹ Kwako, Baba yangu, ninalia; Mwamba wangu, usiwe kiziwi kwangu, kwa maana ukinyamaza kimya kwangu, nitakuwa kama wale washukao shimoni.

² Usikie sauti ya dua zangu za rehema nikuliliapo msaada, ninaponyanyua mikono yangu kuelekea patakatifu pako.

³ Usiniburute pamoja na wabaya, pamoja na watendao maovu, wanaosema maneno ya urafiki na jirani zao hali uovu umo mioyoni mwao. ⁴ Uwalipe sawasawa na matendo yao, sawasawa na ubaya wa vitendo vyao; uwalipe sawasawa na kazi ya mikono yao; uwarudishie wanayostahili. ⁵ Kwa sababu hawajali kabisa kazi za Baba yangu wala kazi ya mikono yake, atawabomoa wala hatawajenga tena.

⁶ Ahimidiwe Baba yetu, kwa maana amesikia sauti ya dua zangu za rehema. ⁷ Baba yangu ni nguvu zangu na ngao yangu; moyo wangu umemtumaini, nami nimesaidiwa. Moyo wangu unarukaruka kwa furaha, nami kwa wimbo wangu nitamshukuru.

⁸ Baba yangu ni nguvu za watu wake; yeye ni ngome ya wokovu kwa masihi wake. ⁹ Uwaokoe watu wako, uubariki urithi wako; uwachunge na kuwachukua milele.