Kazingramli Khāmong Akha Shohaida Nganinga
Johnli khāmong shohaida nganinga chiwui eina tungli hoi, kala ana wungpamkhong akha thei, chiwui tungli akha pamsā. Rikhān, horchamri thāda shamadru, kathara da hāngda ngasāmkakhui malei kharinga sāyurbing. Arar maga̱da mati china athumwui kuihon horsangda, ithumwui Avāli na worthemna da hānga, kaja ot saikora awui kapo eina leisai.
4 1Chiwui thili ina yanglaga, kazingramli khāmong akha shohaida nganinga kaji thei. Ili ngazekta talla̱khon thada ina khare kashā akhon china hānga, "Hili rākālu, kala chiwui thili khi mashok khavai chi ina nali chitheira."
2Ngalāngda ina Manglāli leihaowa, kala kazingramli wungpamkhong akha nganinga, chiwui tungli akha pamda lei. a a v2 Wungpamkhongli kapama chi ithumwui Avāna. Rev 5:7 — Yaonao china wungpamkhongli kapamawui yāpang eina lairik chi khui — hina Avā kala Anaomayara chi hili akha maningmana da chitheimi. Rev 22:1 eina, anina wungpamkhong akha ngavaisera. 3Wungpamkhongli kapama chi jasper kala carnelian ngalung thada thei, kala emerald thada chāngjingawut akhana wungpamkhong chi kuimareida lei. 4Wungpamkhong chi kuimareida wungpamkhong maga̱da mati lei; chiwui tungli arar maga̱da mati kachar kashankachon ngavaida pama, akuibingli sinā kuihon ngahona.
5Wungpamkhongwui eina rikhān ngasheiya, akhonla shai, kazingla ngashuma. Chiwui mangāli meirā shini chuisai. Chi ithumwui Avāwui Manglā shinina. b b v5 Ithumwui Avāwui Manglā shini chi Manglā Katharali awui shini shida pemhai da ngamingmi—Isaiah 11:2 khon thada, chili Manglā chi Khristatungli thangkhamei, ningtheikatong, ningkhami, pangshap, matheikatong, kala Vare khangacheewui apeng shini eina ngasāmpama. 6Wungpamkhong mangāli horchamri thada mathingrik kahai mingshenwui shamadru thada akha lei. Wungpamkhong chi kuimareida, achikun-achikaili, mik eina mangāshong kala khanukshong pemsai kharinga sāyur mati lei. 7Khare sāyur chi kazingkha̱ kathāna, kakhane sāyur chi mukkā kathāna, kakathuma sāyur chi mimai kathāna, kala khamate sāyur chi yongkazata khalāng kathāna. 8Kharinga sāyur mati chi, ava̱va̱na angachāng tharuk kai, kuimareida kala alungli mik eina pemsai. Ngasāmkakhui maleila, ngashun ngayā, athumna hānga: "Kathara, kathara, kathara, Proho Avā Sāshapa, achālakha khalei, arui khalei, kala rārāda kajina!" c c v8 Khristian mibingna atam saoda "kathara" kathum hi mi kathum—ithumwui Avā, Anaomayara, kala Manglā Kathara—chibing saikorawui khorum da shāhaira. Hili ithumwui Avā chi wungpamkhongli lei; Anaomayara china khanaowui kabuli Yaonao thada khorumli zang; Manglā Kathara chi v.5-li kamingmi Manglā shini china.
9Kharinga sāyurbingna wungpamkhongli kapama, mashimānda ringching kaje chili tekhamatei, khayākakā, kala ningkashi khami tharan, 10arar maga̱da mati china wungpamkhongli kapamawui mangāli ngakhumshamhaida, mashimānda ringching kaje chili khorumda, kala athumwui kuihon chi wungpamkhong mangāli horsangda hānga, 11"O ithumwui Avā, tekhamatei, khayākakā, kala pangshap samphang khavai na khangayia; kaja nana ot saikora sākhuisera, kala nawui kapo eina saikora shoksera kala sākahaina."
