Mariam kala Aaronna Mosesli mamayāma
Miriam kala Aaronna Mosesna kathei ngasoda athumsa Ithumwui Avāwui vang hangkhala da hangra. Ana hangra: Moses eina Kaina mang eina mang khare, dilingra khaonli mahanglaga. Miriam phungsang-rui eina chuikhara; Mosesna chiwui matamli awui kachangkhavai kaphara, kala camp pumkhokna nichang shini ngaira.
12 1Mariam kala Aaronna Cushwui sha̱nao chi ngakumwui vang eina Moseswuitungli mamayāmada hānga; kaja ana Cushwui sha̱nao akha ngakumhaira. 2Anina hānga, "Ithumwui Avāna Moses maningla eina hānghairala? Inila eina khaung mahāngmalā?" Kala ithumwui Avāna chi shai.
3Moses mipa chi khangahuia sheba sai; okathui mai hupta khalei mi saikorali ana rihaisai.
4Kala kashuirak eina ithumwui Avāna Moses, Aaron kala Mariamli hānga, "Nathum kathum, kazip khavai kachonshimli shoklu." Chieina athum kathum chi shokserhaowa.
5Chieina ithumwui Avāna muiyāwui pākra̱ eina zanghokta, kachonshim khāmongpheili nganingda, Aaron kala Mariamli hoi, kala khanini chi kāserhaowa.
6Ana hānga, "Iwui tuibing nganālu: nathumwui alungli marān akha leiakha, ina, nathumwui Avāna, ali khamahāli I khalattana rāchitheira, mangshongli ali hāngra. 7Iwui rao Mosesna chithāda maningmana; a iwui shimkhur saikorali shitsangkapaia. 8Ali ina khamor eina khamor ngasungda hāngmi, tharlak eina, akachang eina maning, kala ana ithumwui Avāwui khangachā theira. Chithākha khisāda nathumna iwui rao Moseswuitungli mamayāla hāngkhavai mangacheelakhala?"
9Chieina ithumwui Avāwui malungkhavāt aniwuitungli haklak eina katāhaowa, kala a thuihaowa.
10Kala muiyā chi kachonshimtungwui khalei eina lankā kahaida tharanli, yanglu, Mariam horamwui kachar thāda kazātkashina. Aaronna Mariamli ngareiungda yang tharan, yanglu, ana kazātkashina. 11Aaronna Mosesli hānga, "O iwui amei, ina poli, inina mangkhama̱ eina sāda khayon kasāwui morei chi iniwuitungli matāpaimilu. 12A ava̱va̱wui naopamwui eina shok tharan aphasā tangkhai kānhaikahai, kachāng mapeila pharātāda thikahai nao chi thāda maleipaimiseranu."
13Chieina Mosesna ithumwui Avāli khangakaona hānga, "O iwui Avā, ina poli, ali raimilu!"
14Kha ithumwui Avāna Mosesli hānga, "Avāva̱na amaili machora̱ mashoror maninglalakha, ana shinithang makhayakmarala? Ali rāmrahwui ayarli shinithang shunhaolu; chithākha ali hounglu."
15Mariam rāmrahwui ayarli shinithang shunghaowa; kala Mariam maungranglakha eina tangda mibingna mazatphokmana. 16Chiwui thili mibingna Hazerothwui eina zatphokta Paran lamhāngli rāmrah vasāpama.
