Mishān 13

13 ¹Ithumwui Avāna Mosesli hānga,

²"Ina Israelwui mibingli miki kaji Canaan ngalei chili ayang khavai mi chihovālu; avāva̱ shang kachiva̱wui eina, athumwui lungli kathāna sāki mi ava̱va̱ chihovālu."

³Chithāda Mosesna Paran lamhāngwui eina ithumwui Avāwui kaso athishurda athumli chihovai; athum saikora Israelwui mibingwui kathānabing sai. ⁴Hibing athumwui amingna: Reubenshiwui eina Zaccurwui naomayara Shammua;

⁵Simeonshiwui eina Horiwui naomayara Shaphat;

⁶Judahshiwui eina Jephunnehwui naomayara Caleb;

⁷Issacharshiwui eina Josephwui naomayara Igal;

⁸Ephraimshiwui eina Nunwui naomayara Hoshea;

⁹Benjaminshiwui eina Raphuwui naomayara Palti;

¹⁰Zebulunshiwui eina Sodiwui naomayara Gaddiel;

¹¹Josephshiwui eina (chiya, Manassehshiwui eina), Susiwui naomayara Gaddi;

¹²Danshiwui eina Gemalliwui naomayara Ammiel;

¹³Ashershiwui eina Michaelwui naomayara Sethur;

¹⁴Naphtalishiwui eina Vophsiwui naomayara Nahbi;

¹⁵Gadshiwui eina Machiwui naomayara Geuel.

¹⁶Hibing ngalei ayang khavai Mosesna kachiho mibingwui amingna. Mosesna Nunwui naomayara Hosheawui aming Joshua phokmi. ^a a v16 Mosesna Hosheawui aming chi Joshua da hormiluishit; Joshua kaho aming chiwui alao chi "ithumwui Avāna kanmi" kahaina — atam chitharan Jishuli mikahai aming chila akha china, ali ngasoda ithumwui Avāna awui mibingli athumwui khangathei shimluili khuiraina. ¹⁷Mosesna Canaan ngalei ayang khavai athumli chihovai, kala athumli hānga, "Hi apong eina Negebshong kālu, kala kaphungramli kālu, ¹⁸kala ngalei chi khipā thāmala da yanglu, kala apam chili leikasā mibing chi pangmeira lah nganukzokla, kateola lah kachungkhala, ¹⁹kala athumna pamkasā keinungbing chi rāmrah lah raipan sākahaila, kala ngalei chi kaphāla lah makaphāla, ²⁰kala ngalei chi kashānga lah kachāmala, kala thingrong leila lah maleila da yanglu. Pingmeida sālu, kala ngaleiwui athei chi khuirālu." Chitharan drakhāthei minphok kahaiwui atamna.

²¹Chieina athumna shokta Zin lamhāngwui eina Hamath vāzang khavai nganaida khalei Rehob vāshungda ngalei chi phākhui. ²²Athumna Negeb tāda Hebronli shoka, chiya Anakwui ara̱-azā Ahiman, Sheshai, kala Talmai apamna. Hebron chi Egyptwui Zoanwui mangāli zingkum shini khare sākahaina. ²³Athumna Eshcol tampākli vai, kala drakhāthei amazān akhala khalei aphāng akha ta̱teklaga, mi khani ngachaili thingtung eina oko phunga; kabothei eina khaorāthei chila khuirai. ²⁴Apam chili Israelwui mibingna drakhāthei amazān akha ta̱tekhaiwui vang, apam chi Eshcol tampāk da hoi.

Khangashit kala Khangacheewui Ngalei

²⁵Zimiksho hangmatiwui khanaoli athumna ngalei chi phākhui kahaiwui eina latunghaowa. ²⁶Athumna Paran lamhāngwui Kadeshli Moses, Aaron, kala Israelwui yarui ashangva̱ saikorali vai, kala athumli kala yarui ashangva̱ saikorali pao unghānga, kala ngaleiwui athei chi athumli chithei. ²⁷Athumna ali hānga, "Nana ithumli chihovā ngalei chili ithum vaikahaina. Kachangkhat chi seina̱ eina khuira̱ khalonga; hi chiwui athei china. ²⁸Chithālala ngalei chiwui mibing pangmeikhar, keinungbing chi raipan sākahaina kahakva̱ khareiyana; apam chili Anakwui ara̱-azāla ithumna theikahaina. ²⁹Amaleknaobing Negebli pamna. Hitnaobing, Jebusnaobing, kala Amornaobing kaphungramli pamna. Canaannaobing yirei phei kala Jordan ngalemli pamna."

³⁰Calebna Moseswui mangāli mibingli sashimānhaida hānga, "Ithum ara shokta chi shimlui khuisa; kachangkhat ithumna chi yuishaprara."

³¹Kha ali ngasoda kashok mibingna hānga, "Ithumna mibing chili ngarāli mavārarmara, kaja athum ithumli pangmeiya." ³²Chieina athumna phākhui kahai ngaleiwui khangui pao Israelwui mibingli unghānga, "Ithumna phākhui khavai kānkā ngalei chi chiwui kapambingli shaimi, kala apam chili ithumna theikahai mi saikora haklaka. ³³Apam chili ithumna Nephilimbing theikahaina. Anakwui ara̱-azā chi Nephilimwui eina kharāna. Ithum ithum kachichā miktāli khaoh thāda thei, kala athumwui miktālila chithāda thei." ^b b v33 Nephilimbing chi kaho khareiya mibingna, Genesis 6:4 li khare hokakhami.