Elifaz nyibou lauda
Elifazei toukei amlangbü mat sungbakei: shalebü shuong ka sembung shemtibü, semthetbü shuong la dei akubü, latnyu shuong ikkong ngaitibü. Haoei Job to natenko kishi, kaibü hon thamngua phoashi hoba Thükenbou kaibü hon kila ashi dogo lauda. Hibü thounoubü maimaibü ngekda lausikei amlangbü mat sungbakei.
22 1Kheijinei Temanbü Elifazei jongaikei, 2“Mütei Mühghaü la ai maibü kümla thük lo? Maimaitham songsido kibü mütei himshuong la ong maibü kümda. 3No saopobü kijinei, Thükenbou aei olinda sai? Ayingsi no amaashikko paijinei, hao la ai pailetla yinglep lo? 4Kaibü nouanepbo shanga haoei ka to kaangko lauda hoba mat to ka leiantida sai? 5Kaibü amaibü aei yaang aying lo? Kaibü shabü shuong thon akibü aying lo? 6Aishanga nyi kaibü jaisi shuong ka nam shemtikei, aikei küman, hoba mütkong shuong ka neisimei hangletkei. 7Nyi semthetbü shuong la yungla dei akuko, hoba mühei haiyetnyu shuong ka wentek jeikei. 8Hau kibü müt kho, kaodak haoeibü kikei, hoba maangshiknyu khünei kikei. a a v8 Elifazei lauda dogo, Jobei kaodak kho hau kibü shuongeibü ong ki dogo dambei, hoba shalebü shuong la aikei aletikei. 9Nyi latnyu shuong ikkong ngaitikei, hoba shoujit shuong ik leilutikei. 10Khoei ong sung shuongei ka kailepa, hoba mangde hatlamoklabü che ka thükto louda; 11ayingsi nakthüh, hibü nyi hapla athük, hoba dei yungsenei ka küpleplabü. 12Mühghaü kho khuthük thükkabü ka aki sai? Chühashi, khanshoulitshou thükenbü shuong lai thükae ki! 13Lausikei nyi lauda, ‘Mühghaüei ai ngeda? Ho tegü nakthüh haübü danko haoei matjemla thük lo? 14Nakthühbü sangmei shuongei hao yuklepan, hibü haoei hapla athük, hoba haoei müh kailepbü thüka paida.’ 15Amaibü shuongei paibü shangied kibü lam kho, nyi jungeilabü sai? 16Haoeneibü chalou aphaiko haoen leian satkei, hoba haoeneibü chemshang yungsenei kujung koukei. 17Haoenei Mühghaü to laukei, ‘Kün litham ngaitiashi! Thükenbouei kün to ai kümla thük?’ 18Lausikei haoeneibü chem maibüei shenbü kho haoei ong ki, kheijinei amaibü shuong damanchühbü ka ngo saabüa kida. 19Saopobü shuongei kho hapan olinda; maanglanbü shuongei amaibü shuong to nyikuko laukei, 20‘Maimaitham seneibü dangbou shuong mautikei, hoba wanei haoen apyobü kho suikei.’ 21Tou Mühghaü phanga natenko kian hao to sangmai kümshi; hibü lamei maibü ka jungto loulabü. 22Haoeibü sembung kabü ngühkhüm sungletashi, hoba haoeibü ngüh kaibü maangpona thanashi. 23Nyi Thükenbou jungto sepeilonga, no kümetngaitilabü; nyi kaibü chem ka amaibü saabüa shian sattilonga, 24hoba kaibü hon thamngu ka phoan, Ofir hon kho shumang ka laang danga phoalonga, b b v24 Ofir kho shangiednyu kaodaka hon aeibou maibü longbü sang shanga nyennangbü kikei. 25kheijinei Thükenbou himshuong kho kaibü hon hoba kaibü namsek chandinam kilabü. 26Kheijinei nyi Thükenbou olinlabü, hoba Mühghaü ae kaibü thenyek angtilabü. 27Nyi hao to welaulabü, hoba haoei ka ditlabü, hoba nyi kaibü thebülanbü loushedlabü. 28Nyi janthetkubü kho haüthüklabü, hoba kaibü lamnyua ngesakbü longlabü. 29Ladang atei yantiyolonga hoba nyi, ‘Haoen angtiashi!’ dogo laulonga, haoei the angesakbü shuong khümenlabü. 30Haoei maanglan akibü müt khei khümenlabü, hao kaibü ik hinseibü danko khümentiyolabü.”
