Apuni Laga Hath Te Moi Shompi Di Ase
Gana cholawa mukhyo manuh karne. David laga ekta Bhajan.
Tai ke kheda kori thaka aru tar bisoi te kana-kana kotha kori thaka karone, poruxi khan bhi rasta te tai ke chari kene jai, aru David bhangi juwa ekta bortan nisena pahori juwa laga mon kore. Tinu bhi tai koi tar homoi khan tar Pitri laga hath te ase aru tar atma ta te sompi diye, ekbar gher kori thaka ekta nogor te Tai tar kotha hunise etu monot kori kene.
31 1Moi laga Pitri, Apuni logot te moi suroksha lai ase; moi ke kitia bhi sorom te nophela bi; Apuni laga dharmikota pora moi ke bacha bi. 2Apuni laga kan moi phale ghura bi; moi ke joldi bacha bi. Moi laga suroksha laga pathor hobi, moi ke bacha bole ekta mojbut kella. 3Kilemane Apuni moi laga pathor aru moi laga kella ase; Apuni laga nam karne Apuni moi ke loijai aru rasta dikhai. 4Tarkhan pora moi karne lukai rakha jal pora Apuni moi ke chari dibi, kilemane Apuni moi laga suroksha ase.
5Apuni laga hath te moi laga atma shompi di ase; Apuni moi ke mukti dise, moi laga Pitri, biswasi aru hosa. a a v5 Jisu he mori ja homoi te eitu kotha khan prathana korise — “Pitri, Apuni laga hath te Moi laga atma shompi di ase” (Luke 23:46) — eitu bhajan pora biswas kora Pitri ke Tai nijor ke shompi di kene. 6Eku daam nathaka murti khan ke dhori rakha manuh khan ke moi ghin kore, kintu moi moi laga Pitri ke biswas kore. 7Apuni laga vachan laga morom te moi khushi aru anond koribo, kilemane Apuni moi laga dukh dekhise; Apuni moi laga atma laga digdari khan janise, 8aru Apuni moi ke dushman laga hath te di diya nai; Apuni moi laga theng ekta dangor jagah te rakhise. 9Moi ke doya koribi, moi laga Pitri, kilemane moi digdari te ase; moi laga suku dukh pora kamjur hoise, moi laga atma aru moi laga gaw bhi. 10Kilemane moi laga jivon dukh pora khotom hoise, aru moi laga saal khan hai-kora pora; moi laga takot moi laga paap karne kamjur hoise, aru moi laga hardi khan sesh hoi ase. 11Moi laga sob dushman khan karne moi ekta sorom laga jinis hoise, khas kori moi laga ghor usor manuh khan ke, aru moi ke jana manuh khan ke bhoi laga; rasta te moi ke dekha manuh khan moi pora polai jai. 12Mori ja manuh nisena moi ke pahori gise, mon pora ulai gise; moi ekta bhanga kolshi nisena hoise.
13Kilemane moi bisi manuh laga nichina kotha hune— sob phale te bhoi—jitia tarkhan moi laga birodh te eke logot plan kore, moi laga jivon lobole sosru kore. 14Kintu moi Apuni ke biswas kore, moi laga Pitri; moi koi ase, “Apuni moi laga Pitri ase.” 15Moi laga homoi khan Apuni laga hath te ase; moi laga dushman khan laga hath pora aru moi ke dukh diya manuh khan pora moi ke bacha bi. 16Apuni laga noukar uporte Apuni laga chehera ujala koribi; Apuni laga vachan laga morom te moi ke bacha bi. 17Moi laga Pitri, moi ke sorom te nophela bi, kilemane moi Apuni ke mate; biya manuh khan ke sorom te phela bi aru kobor te chup-chap kori dibi.
18Misa kowa oth khan ke chup kori dibi, kun dharmik manuh khan birodh te ghamondi pora, phutani aru hela pora kotha kore. 19Apuni laga bhal kiman bisi ase, kun Apuni ke bhoi kore tai khan karne Apuni jama kori rakhise, kun Apuni logot te suroksha loi tai khan ke Apuni dikhaise, sob manuh dikhibole.
20Apuni laga uposthiti laga chaya te manuh khan laga plan pora Apuni tai khan ke lukai rakhe; Apuni laga chaya te misa doshi diya jiba khan pora Apuni tai khan ke bachai rakhe. 21Moi laga Pitri ke dhonyavad hobi, kilemane moi ghera lagai diya ekta sheher te thaka homoi te Tai moi ke Tar laga asurit vachan laga morom dikhaise.
22Moi laga bhoi te moi koi dise, “Moi Apuni laga suku usor pora kati phelai dise.” Kintu jitia moi modot karne Apuni ke mati thakise, Apuni moi laga doya mangi kena kanda huni loise. 23Amar Pitri ke morom koribi, Tar laga biswasi khan, tumikhan sob. Amar Pitri biswasi khan ke bachai rakhe, kintu phutani kora manuh ke Tai pura badla dibo. 24Takot koribi, aru mon dangor koribi, amar Pitri ke rukhi thaka tumikhan sob.