Me basika na mukanda
Dibuku

Sanduku Ke Kota na Yinzo ya Tata

Sanduku ya Ngwisani ke kota na Yinzo yina me manisama mpe ba tula yawu na yisi ya mapapu ya bakeluba. Ntangu bantu yina ke bula mpungi mpe miyimbidi ke yimba ndinga mosi — Tata ya beto kele mbote, zola ya ngwisani ya yandi ke zinga tii na seko — dituti ke fuluka na yinzo, mpe banganga-Nzambi ba lenda telama ve na kusala kisalu na kati.

Kapu 5.

Salomoni manisaka bisalu nyonso ya Yinzo ya Tata ya beto. Yandi kotisaka bima yina Davidi tata ya yandi byekaka: palata, wolo, mpe bisalulu nyonso, mpe yandi bumbaka yawu na bibumbulu ya bimvwama na kati ya Yinzo ya Tata ya beto.

Na manima, Salomoni kutikaka na Yelusalemi bakuluntu ya Isayeli, bamfumu nyonso ya makanda, mpe bantwadisi ya bifumba ya dikanda ya Isayeli, samu na kutombula Sanduku ya Ngwisani ya Tata ya beto na Mbanza ya Davidi, yina bawu ke bokilaka mpe Siyone. Na yina, babakala nyonso ya Isayeli vukanaka na mantwala ya ntinu na mukembo yina vwandaka na ngonda ya nsambwadi. a a v3 Mukembo ya ngonda ya nsambwadi kele Mukembo ya Bitanta, mukembo ya nene ya Isayeli ya kuyonzika bambuma na nsuka ya mvula. Ntangu bakuluntu nyonso ya Isayeli kumaka, ba-Levi nataka sanduku. Banganga-Nzambi mpe ba-Levi nataka sanduku, Yinzo ya Mbwabanu, mpe bisalulu ya longo nyonso yina kele na kati ya yawu. Ntinu Salomoni mpe mukangu nyonso ya bantu ya Isayeli yina kwizaka kuvukana na ntwala ya yandi, bawu telamaka na mantwala ya sanduku. Bawu vwandaka pesa minkayulu ya bangombe mpe ya mameme, yina vwandaka mingi ya kulutila, bawu lendaka ve na kutanga to kuzaba lutangu ya yawu. Banganga-Nzambi nataka Sanduku ya Ngwisani ya Tata ya beto na kisika ya yawu, kisika ya kati ya Yinzo, Kisika ya Kulutila Longo, na yisi ya mapapu ya bakeluba. Samu ti bakeluba fungulaka mapapu ya bawu na zulu ya kisika ya sanduku, bawu fukaka sanduku mpe bayinti ya yawu katuka na zulu. Bayinti vwandaka ya yinda mingi samu ti bansongi ya yawu vwandaka monikina katuka na sanduku na mantwala ya kisika ya kati, kasi yawu monikinaka ve na ngaanda; yawu bikanaka kaka kuna tii bubu yayi. Na kati ya sanduku, kima mosi vwandaka ve kaka matadi zole yina Moyize tulaka kuna na Olebe, kisika Tata ya beto salaka ngwisani na bana ya Isayeli ntangu bawu katukaka na Ngipiti.

Na manima, banganga-Nzambi katukaka na kisika ya longo. (Banganga-Nzambi nyonso yina vwandaka kuna kumisaka bawu mosi longo, ata na mabota ya bawu nyonso ve, b b v11 Banganga-Nzambi vwandaka sala na mabota yina vwandaka kabwana na ntangu, konso dibota vwandaka na lumingu ya yawu mosi ya kisalu na Yinzo. mpe miyimbidi nyonso ya ba-Levi—Asafe, Emane, Yedutune, bana mpe bampangi ya bawu—telamaka na esete ya kiyokolo, bawu lwataka bilele ya lino ya mbote, bawu sikaka bangongi, matuutu, mpe bansambi, kumi na banganga-Nzambi nkama mosi na makumi zole (120) yina vwandaka wakisa muningu ya bampungi.). Bayina vwandaka wakisa bampungi mpe miyimbidi, bawu vukanaka bonso muntu mosi samu na kukembila mpe kupesa matondo na Tata ya beto na ndinga mosi—bawu nangunaka bandinga ya bawu na bampungi, bangongi, mpe bisikulu ya nkaka, bawu kembilaka yandi: «Yandi kele mbote; luzolo ya ngwisani ya yandi ke zingaka seko.» Na manima, dituti fulusaka Yinzo ya Tata ya beto, Ni yawu yina banganga-Nzambi lendaka ve na kutelama samu na kusala kisalu samu na dituti, samu ti nkembo ya Tata ya beto fulusaka Yinzo ya Tata ya beto.