قوزو و ۱۴۴۰۰۰ نفر
قوزو صحیون داغی اوستونده دورور، اونونلا آلینلاریندا آتاسینین آدی یازیلمیش ۱۴۴۰۰۰ نفر، اونلار هچ کسئن اؤیرنه بئلمه‌دئیی بئر نغمه بئلئرلر. اوچ ملک اوستدن اوچور: هر مئلّته موژده، بابئلئن ییخیلماسی، وحشی حیوانا پرستئش ادنلره خبردارلیق. سونرا یِر اوزو بئچئلئر و اوزوملر تاپدالانیر.
14 1قوزونو، یعنی عئسانی گؤردوم کی، صحیون داغی اوستونده دورموشدو؛ اونونلا بئرلئکده ۱۴۴۰۰۰ نفر وار ائدی کی، اونون آدی و آتاسینین آدی اونلارین آلینلاریندا یازیلمیشدی. 2گؤیدن بئر سَس اشئتدئم، چوخلو سولارین نعره‌سی کئمی و اوجا گؤی گورولتوسو کئمی؛ و اشئتدئیئم سَس، چنگ چالانلارین اؤز چنگلرئنی چالماسی کئمی ائدی. 3اونلار تختئن، دؤرد جانلی مخلوقون و آغساقّاللارین قاباغیندا تزه بئر نغمه اوخودولار؛ یر اوزوندن خئلاص اولموش همن ۱۴۴۰۰۰ نفردن باشقا هچ کس بو نغمه‌نی اؤیرنه بئلمه‌دی. 4بونلار او کسلردئر کی، آروادلارلا اؤزلرئنی نجئس اتمه‌یئبلر، چونکی باکئره‌دئرلر. اونلار قوزو عئسانین دالینجا، هارایا گتسه، گِدئرلر. اونلار ائنسانلار آراسیندان ساتین آلیندیلار، آتامیز و قوزو اوچون نوبار کئمی، 5و اونلارین آغیزلاریندا هچ یالان تاپیلمادی؛ اونلار کامئل‌دئرلر.
ابدی ائنجئلئن یاییلماسی
6باشقا بئر ملک گؤردوم کی، گؤیون اورتاسیندا اوچوردو؛ اونون یانیندا ابدی بئر ائنجئل وار ائدی کی، یر اوزونون ساکئنلرئنه، هر مئلّته، طایفایا، دئله و خالقا اعلان اتسئن. 7او اوجا سَسله چیغیردی: «آتامیزدان قورخون، اونا عئزّت ورئن، چونکی اونون موحاکئمه ساعاتی گلئب. گؤیو، یری، دنئزی و سو قایناقلارینی یارادانا پرستئش ادئن.»
8ائکئنجی ملک اونون دالینجا گلدی: «ییخیلدی، بؤیوک بابئل ییخیلدی، او کی، بوتون مئلّتلره اؤز زئناسینین شهوتئنئن شرابینی ائچئردی.»
9اوچونجو بئر ملک اونلارین دالینجا گلئب باغیردی: «هر کس وحشی‌یه و اونون صورتئنه پرستئش ادئب، آلنیندا یا الئنده بئر نئشان آلسا، 10او دا آتامیزین قضبئنئن شرابینی ائچه‌جک کی، اونون غضب جامینا قاتیشیقسیز تؤکولوب؛ و موقدّس ملکلرئن و قوزونون قاباغیندا اود و گوگوردله عذاب چکه‌جک. 11اونلارین عذابینین توستوسو ابد-الابد قالخیر؛ وحشی‌یه و اونون صورتئنه پرستئش ادنلره، یا اونون آدینین نئشانینی آلانلارا نه گوندوز، نه ده گجه راحاتلیق یوخدور.»
12موقدّسلرئن صبری بورادادیر: او آداملار کی، آتامیزین امرلرئنی ساخلاییرلار و عئسایا اؤز ائمانلارینی توتورلار.
13گؤیدن بئر سَس اشئتدئم: «یاز: بوندان سونرا ربده اؤلن اؤلولر نه بختوردئرلر.» موقدّس روح دیئر: «بلی، اونلار اؤز زحمتلرئندن راحات اولورلار، چونکی عمللری اونلارین دالینجا گدئر.»
ائنسان اوغلو کئمی بئری
14باخدیم: آغ بئر بولود، و اونون اوستونده ائنسان اوغلونا بنزه‌ر بئری، یعنی عئسا، اوتورموشدو؛ باشیندا قیزیل تاج، الئنده ائتی بئر اوراق وار ائدی. 15باشقا بئر ملک معبددن چیخیب، بولودون اوستونده اوتورانا اوجا سَسله سَسله‌ندی: «اوراغینی سال و بئچ؛ چونکی بئچمک ساعاتی گلئب، یر اوزونون محصولو تامام یتئشئب.» 16بله‌جه بولودون اوستونده اوتوران اؤز اوراغینی یر اوزونون اوستونه سالدی، و یر اوزو بئچئلدی.
17سونرا باشقا بئر ملک گؤیده‌کی معبددن چیخدی، اونون دا ائتی بئر اوراغی وار ائدی. 18باشقا بئر ملک کی، اود اوستونده ائختئیاری وار ائدی، قوربانگاهدان گلئب ائتی اوراغی توتانا اوجا سَسله چیغیردی: «ائتی اوراغینی گؤندَر و یر اوزونون اوزوم تَنه‌یئندن سالخیملاری ییغ، چونکی اونون اوزوملری یتئشئب.» 19ملک اؤز اوراغینی یر اوزونه سالدی، یر اوزونون اوزوم تَنه‌یئنی بئچدی و اونو آتامیزین قضبئنئن بؤیوک اوزوم سیخانینا آتدی. 20اوزوم سیخانی شهرئن اشئیئنده تاپدالاندی، و اوزوم سیخانیندان قان آخدی کی، آتین جئلووونا قدر قالخیب تخمیناً ۱۸۰ میللئک مسافه‌یه یاییلدی.
