داوودون خئلاص اوچون فریادی
داوودون شئگایونو، بِنیامئنلی کوش حاقّیندا آتامیزا اوخودوغو.
بنیامئنلی کوش اونو ائتّئهام ادنده، داوود آند ائچر: اگر بئر دوستونا پئسلئکله جاواب ورئبسه، قوی دوشمنی اونو توز-تورپاغا تاپدالاسین. آتاسیندان، اورَکلری آراشدیران داوردان، ائسته‌یئر کی، عمل اتسئن، و قدّار آداملارین اؤز چوخورلارینا دوشدویونو سئیر ادر.
7 1ای آتام، سنه پناه آپاریرام؛ منی تعقئب ادنلرئن هامیسیندان خئلاص ات و منی قورتار، 2یوخسا آصلان کئمی منی پارچالاییب، قورتاران اولمادان منی تئکه-تئکه اِدَر. 3ای آتام، اگر بونو اتمئشَمسه، اگر اَلئمده حاقسیزلیق وارسا، 4اگر دوستوما پئسلئکله جاواب ورمئشَمسه، یا دا سببسئز دوشمنئمی تالان اتمئشَمسه، 5اوندا قوی دوشمن منی تعقئب ادئب چاتسین، قوی جانیمی یره تاپدالاسین و شرفئمی توز-تورپاغا سالسین.
6قالخ، ای آتام، قضبئنله؛ دوشمنلرئمئن حئرصئنه قارشی آیاغا قالخ؛ منئم اوچون اویان، سن حؤکمو تعیئن اتدئن. 7قوی خالقلارین جماعتی اطرافینا ییغیلسین؛ سن اونلارین اوستونده، اوجا یرده اؤز تختئنده اوتور. 8آتامیز خالقلارا حؤکم ادئر. حاقّیمی آل، ای آتام، عدالتئمه گؤره و منده اولان دوغرولوغا گؤره. 9پئس آداملارین پئسلئیئنه سون قوی، آمّا صالحی ساخلا، سن کی ذهئنلری و اورَکلری آراشدیریرسان، ای صالح آتا. 10قالخانیم آتامدیر، او کی، اوره‌یی دوز اولانلاری خئلاص ادئر. 11آتامیز عادئل بئر داوردیر، هر گون قضبله‌نَن بئر تاریدیر. 12اگر بئری تؤوبه اتمه‌سه، آتامیز اؤز قیلینجینی ائتئلده‌جک؛ اؤز کامانینی چکئب حاضیر ادئب. 13اؤز اؤلوم سئلاحلارینی حاضیرلاییب؛ اوخلارینی آلوولو اوخلار ادئر. 14باخ، پئس آدام پئسلئکله نجه بویلودور؛ او، بلایا بویلو اولوب یالان دوغار. 15او بئر چوخور قازیب درئنلَدَر، آمّا اؤز قازدیغی چوخورا دوشَر. 16سالدیغی بلا اؤز باشینا قاییدار؛ اتدئیی قدّارلیق اؤز کلّه‌سئنه اِنَر. 17عدالتئنه گؤره آتاما شوکور اده‌جیم، و حاق-تعالا اولان آتامین آدینا پرستئش نغمه‌سی اوخویاجاغام.
