د خلاصون دپاره د داؤد فرياد
د داؤد شګايون، چې هغۀ دا د بنيمينى کوش په حقله زمونږ پلار ته وسندرو.
د کوش بنیامیني لخوا تورن شوی، داؤد قسم خوري: که ما ملګري ته په بدۍ بدله ورکړې وي، نو دښمن دې مې په خاورو کې لتاړ کړي. هغه له خپل پلار څخه، هغه قاضي چې زړونه لټوي، غواړي چې عمل وکړي، او ګوري چې ظالمان په خپله کنده کې لوېږي.
7 1اے زما پلاره، زۀ په تا پناه اخلم؛ ما د هغه ټولو نه چې ما پسې راځى خلاص کړه، او ما وژغوره، 2کۀ نه نو هغه به ما د زمرى په شان څيرې کړى، ما به ټوټې ټوټې کړى او څوک به نۀ وى چې بچ يې کړى. 3اے زما پلاره، کۀ ما دا کړى وى — کۀ زما په لاسونو کښې کومه بدى وى، 4کۀ ما خپل دوست ته د بدۍ بدله ورکړې وى، يا مې بېسببه خپل دُښمن لوټلے وى، 5نو بيا دې دُښمن ما پسې راشى او ما ونيسى، زما ژوند دې په زمکه ولتاړى او زما عزت دې په خاورو کښې کېنوى.
6پاڅه، اے زما پلاره، په خپل غضب کښې؛ زما د دُښمنانو د قهر خلاف راپاڅه؛ زما دپاره راويښ شه — تا عدالت مقرر کړے دے. 7د قومونو مجلس دې ستا چاپېره راجمع شى؛ د هغوئ د پاسه په اوچت ځائ کښېنه. 8زمونږ پلار د قومونو عدالت کوى. اے زما پلاره، زما د صداقت مطابق او زما په زړۀ کښې د موجودې پاکۍ مطابق زما حق راکړه. 9د بدکارانو بدى ختمه کړه، خو صادقان کلک وساته — تۀ چې د عقلونو او زړونو پلټنه کوې، اے صادق پلاره. 10زما ډال زما پلار دے، څوک چې د زړۀ نېک خلق خلاصوى. 11زمونږ پلار صادق قاضى دے، داسې خُدائ پاک چې هره ورځ غصه وى. 12کۀ څوک توبه ونۀ باسى، نو زمونږ پلار به خپله تُوره تېره کړى؛ هغۀ خپله لېنده راکش کړې او تياره کړې ده. 13هغۀ خپلې مرګونې وسلې تيارې کړې دى؛ هغه خپل غشى د اور لمبې غوندې جوړوى. 14وګوره چې بدکار سړے د بدۍ نه ډک دے؛ هغه د فساد حمل اخلى او دروغ زيږوى. 15هغه يوه کنده کيندى او ژوره يې کوى، خو په هغه کنده کښې چې پخپله يې جوړه کړې ده پرېوځى. 16د هغۀ فساد د هغۀ په خپل سر راګرځى؛ د هغۀ ظلم د هغۀ په خپله کوپړۍ راکوزيږى. 17زۀ به د خپل پلار د صداقت دپاره شُکر ادا کوم، او زۀ به د خپل پلار، د تر ټولو اوچت، د نوم ثنا وايم.
