Kulira kwa Dhavidhi Toera Kupulumuswa
Xigaioni ya Dhavidhi, yakuti aimbira Baba wathu thangwi ya Kuxi, munthu wa dzindza ya Benjamini.
Wakupambizirwa na Kuxi wa ku Benjamini, Dhavidhi asapika: khala adabwezera xamwali wace na pyakuipa, nyamadzawe wace amuponde mpaka ku pfumbi. Iye asaphemba Baba wace, Ntongi anasaka mitima, kuti acite pinthu, ndipo asaona anyaciwawa mbagwa m'dzenje yawo ekha.
7 1Baba wanga, ndisabisala muna Imwe; ndipulumuseni kuna onsene anandithamangisa, mbandiomboleni, 2toera iye akhonde kundikhandza ninga nkhalamu, mbandibvurula-bvurula, nkhabe munthu wakundipulumusa. 3Baba wanga, ndingakhala ndacita pyenepi— ndingakhala pana cakuipa m'manja mwanga, 4ndingakhala ndabwezera xamwali wanga na pyakuipa, peno ndalanda nyamalwa wanga mwakukhonda thangwi, 5penepo nyamalwa andithamangise, mbandigwanira, mbaponde umaso wanga pantsi, mbagodamisa mbiri yanga m'pfumbi.
6Lamukani, Baba wanga, mu ukali wanu; lamukani kutsutsana na cipo ca anyamalwa anga; ndilamukireni—Imwe mwakhazikisa ciruzo. 7Mbwinji wa mitundu ya anthu mbugumanyikane kukuzungulirani; khalani padzulu pa iwo. 8Baba wathu asatonga mitundu ya anthu. Ndilungamiseni, Baba wanga, mwakubverana na kulungama kwanga, na mwakubverana na undimo uli muna ine. 9Malisani pyakuipa pya anyakuipa, mbwenye phedzerani anyakulungama—Imwe ale musafufudza manyerezero na mitima, Baba wakulungama. 10Xango yanga ndi Baba wanga, ule asapulumusa anthu akulungama muntima. 11Baba wathu ndi ntongi wakulungama, Mulungu wakuti asaipirwa ntsiku zonsene. 12Munthu angakhonda kutcunyuka, Baba wathu anadzanola supada yace; iye akoka uta wace, mbaukhunganya. 13Iye akhunganya pida pyace pyakupha; asacinja miseu yace kukhala miseu yakugaka moto. 14Onani, nyakuipa ali na mimba ya cakuipa; iye asatakala nyatwa, mbabala uthambi. 15Iye asakumba thukhu mbaukulisa, mbwenye asagwa m'thukhu idakumba iye ene. 16Nyatwa yace isabwerera pa nsolo wace ene; cibvamba cace cisabulukira pa libongo yace. 17Ndinapereka takhuta kuna Baba wanga thangwi ya kulungama kwace, ndinaimbira nyimbo zakusimba dzina ya Baba wanga, Wakunkulu Kakamwe.
