ሚልክያስ 4

4 ¹እነሆ፣ እንደ እቶን የሚነድ ቀን ይመጣል፤ በዚያ ቀን ትዕቢተኞች ሁሉና ክፉ አድራጊ ሁሉ ገለባ ይሆናሉ፤ ያም ቀን ሥርም ቅርንጫፍም ሳያስቀርላቸው ያቃጥላቸዋል ይላል የሰማይ ሠራዊት አባት። ²ነገር ግን ስሜን ለምትፈሩ ለእናንተ የጽድቅ ፀሐይ በክንፎቿ ፈውስን ይዛ ትወጣለች፤ እናንተም ከጋጣ እንደሚወጡ ጥጆች እየዘለላችሁ ትወጣላችሁ። ³ክፉዎችንም ትረግጣላችሁ፤ በምሠራበት ቀን በእግራችሁ ጫማ ሥር አመድ ይሆናሉና ይላል የሰማይ ሠራዊት አባት።

⁴“የባሪያዬን የሙሴን ሕግ፣ ለእስራኤል ሁሉ በኮሬብ ያዘዝሁትን ሥርዓትና ፍርድ አስታውሱ።

⁵እነሆ፣ ታላቁና የሚያስፈራው የአባታችን ቀን ሳይመጣ ነቢዩን ኤልያስን እልክላችኋለሁ። ^a a v5 ኢየሱስ መጥምቁን ዮሐንስን እዚህ ላይ ተስፋ የተሰጠው ኤልያስ እንደ ሆነ፣ ልባቸውን ለእርሱ ሊያዘጋጅ የመጣው እርሱ እንደ ሆነ ገለጸ (ማቴዎስ 11፥14፤ 17፥10-13)። ⁶የአባቶችን ልብ ወደ ልጆቻቸው፣ የልጆችንም ልብ ወደ አባቶቻቸው ይመልሳል፤ ይህም መጥቼ ምድርን በፍጹም ጥፋት እንዳልመታ ነው።”