ನಮ್ಮ ತಂದೆ ಕಾರ್ಯಮಾಡುವ ದಿನ

ನಮ್ಮ ತಂದೆಯು ಕಾರ್ಯ ನಡೆಸುವ ಆ ಒಂದೇ ದಿನದಲ್ಲಿ ಎರಡು ಭವಿಷ್ಯಗಳು: ಗರ್ವಿಷ್ಠರು ಕೂಳೆಯಂತೆ ಸುಟ್ಟುಹೋಗುತ್ತಾರೆ, ಆತನ ಹೆಸರಿಗೆ ಭಯಪಡುವವರು ಕೊಟ್ಟಿಗೆಯಿಂದ ಬಿಟ್ಟ ಕರುಗಳಂತೆ ಹಾರಾಡುತ್ತಾ ಹೊರಡುತ್ತಾರೆ. ಮೊದಲು ಎಲೀಯನು ವಾಗ್ದಾನ ಮಾಡಲ್ಪಡುತ್ತಾನೆ — ತಂದೆಗಳ ಹೃದಯಗಳನ್ನು ಮಕ್ಕಳ ಕಡೆಗೂ ಮಕ್ಕಳ ಹೃದಯಗಳನ್ನು ತಂದೆಗಳ ಕಡೆಗೂ ತಿರುಗಿಸಲು ಕಳುಹಿಸಲ್ಪಡುತ್ತಾನೆ.

ಅಧ್ಯಾಯ 4.

ಇಗೋ, ಒಲೆಯಂತೆ ಉರಿಯುವ ಒಂದು ದಿನ ಬರುತ್ತಿದೆ; ಎಲ್ಲ ಅಹಂಕಾರಿಗಳೂ ಪ್ರತಿಯೊಬ್ಬ ದುಷ್ಕರ್ಮಿಯೂ ಒಣಹುಲ್ಲಾಗುವರು; ಆ ದಿನ ಅವರನ್ನು ಸುಟ್ಟು, ಅವರಿಗೆ ಬೇರನ್ನಾಗಲಿ ಕೊಂಬೆಯನ್ನಾಗಲಿ ಉಳಿಸುವುದಿಲ್ಲ ಎಂದು ಸ್ವರ್ಗಸೇನೆಗಳ ತಂದೆ ಹೇಳುತ್ತಾರೆ. ಆದರೆ ನನ್ನ ನಾಮಕ್ಕೆ ಭಯಪಡುವ ನಿಮಗಾದರೋ ನ್ಯಾಯನೀತಿಯ ಸೂರ್ಯನು ತನ್ನ ರೆಕ್ಕೆಗಳಲ್ಲಿ ಸ್ವಸ್ಥತೆಯೊಡನೆ ಉದಯಿಸುವನು; ಆಗ ನೀವು ಕೊಟ್ಟಿಗೆಯಿಂದ ಹೊರಬಂದ ಕರುಗಳಂತೆ ಕುಣಿದಾಡುತ್ತಾ ಹೊರಗೆ ಹೋಗುವಿರಿ. ನಾನು ಕಾರ್ಯಮಾಡುವ ದಿನ ದುಷ್ಟರು ನಿಮ್ಮ ಪಾದಗಳ ಅಡಿಯಲ್ಲಿ ಬೂದಿಯಾಗುವುದರಿಂದ ನೀವು ಅವರನ್ನು ತುಳಿಯುವಿರಿ ಎಂದು ಸ್ವರ್ಗಸೇನೆಗಳ ತಂದೆ ಹೇಳುತ್ತಾರೆ.

“ನನ್ನ ಸೇವಕನಾದ ಮೋಶೆಯ ಉಪದೇಶವನ್ನೂ ಸಮಸ್ತ ಇಸ್ರಾಯೇಲಿಗಾಗಿ ನಾನು ಹೋರೇಬಿನಲ್ಲಿ ಅವನಿಗೆ ಆಜ್ಞಾಪಿಸಿದ ವಿಧಿನಿಯಮಗಳನ್ನೂ ನ್ಯಾಯತೀರ್ಪುಗಳನ್ನೂ ಜ್ಞಾಪಕಮಾಡಿಕೊಳ್ಳಿರಿ.

ಇಗೋ, ನಮ್ಮ ತಂದೆಯ ಮಹತ್ತಾದ ಭಯಂಕರವಾದ ದಿನ ಬರುವುದಕ್ಕೆ ಮೊದಲು ನಾನು ಪ್ರವಾದಿಯಾದ ಏಲೀಯನನ್ನು ನಿಮ್ಮ ಬಳಿಗೆ ಕಳುಹಿಸುವೆನು. ^a ಅವನು ತಂದೆಗಳ ಹೃದಯಗಳನ್ನು ಅವರ ಮಕ್ಕಳ ಕಡೆಗೂ ಮಕ್ಕಳ ಹೃದಯಗಳನ್ನು ಅವರ ತಂದೆಗಳ ಕಡೆಗೂ ತಿರುಗಿಸುವನು; ಆಗ ನಾನು ಬಂದು ದೇಶವನ್ನು ಸಂಪೂರ್ಣ ನಾಶನದಿಂದ ಹೊಡೆಯುವುದಿಲ್ಲ.”