Otamiz ish koʻradigan kun
Otamiz harakat qiladigan oʻsha bir kunda ikki xil kelajak: mag'rurlar poxoldek yonadi, Uning nomidan qoʻrqqanlar esa ogʻildan chiqarilgan buzoqlardek sakrab chiqadilar. Avval Ilyos vaʼda qilinadi — otalarning qalbini farzandlarga, farzandlarning qalbini otalarga qaytarish uchun yuboriladi.
4 1Mana, oʻchoqdek yonib turgan bir kun kelmoqda. Oʻsha kunda barcha mutakabbirlar va har bir badkor somonga aylanadi; oʻsha kun ularni yondirib yuboradi va ularda na ildiz, na shox qoldiradi, — deydi osmon qoʻshinlarining Otasi. 2Mening nomimdan qoʻrqadigan sizlar uchun esa solihlik quyoshi qanotlarida shifo olib koʻtariladi. Sizlar ogʻildan chiqqan buzoqlardek sakray-sakray chiqasizlar. 3Sizlar fosiqlarni oyoq osti qilasizlar, chunki Men ish koʻradigan kunda ular oyogʻingiz tovoni ostida kulga aylanadi, — deydi osmon qoʻshinlarining Otasi.
4“Qulim Musoning taʼlimotini, yaʼni Men unga butun Isroil uchun Xorebda amr etgan qonun-qoidalar va hukmlarni yodda tutinglar.
5Mana, Otamizning ulugʻ va dahshatli kuni kelmasdan oldin, Men sizlarga Ilyos paygʻambarni yuboraman. a a v5 Iso Choʻmdiruvchi Yahyoni shu yerda vaʼda qilingan Ilyos, yaʼni Uning uchun yuraklarni tayyorlagani kelgan kishi deb taʼrifladi (Matto 11:14; 17:10-13). 6U otalarning yuraklarini farzandlariga, farzandlarning yuraklarini esa otalariga qaytaradi. Shunda Men kelib, yurtni butunlay vayron qilmagan boʻlaman.”