Ithumwui Avāna Ot Kasā Zimiksho
Ithumwui Avāna ot sākhavai zimiksho akhali ot khangatei khani shokra: langkasobingna sharkha̱ thāda kachuira, kha awui mingli khangacheebingna seishimwui eina seinaobing thāda ngawokta shokra. Elijah marān rida chihovāra — avāngarāwui wuklung anaongarāli, kala anaongarāwui wuklung avāngarāli ngareimi khavai.
4 1Yanglu, sharkha̱ thāda kachui zimiksho akha rārāli, chithang langkasobing saikora kala makaphā kasā saikora lanji ngasāra; chi zimikshona athumli sa̱tāra, kala athumli angayung nilala aphāng nilala mashākmimara, da saikorawui Avāna hānga. 2Kha iwui mingli khangacheebing nathumwui vang, khamashung khangarongwui zimik awui angachāngli kharai leida shokra, kala nathumna seishimwui eina seinaobing thāda ngawokta shokra. 3Nathumna makhayābingli naikazamra, kaja ina ot kasā tharan athum nathumwui pheimayā zingli hotla ngasāra, da saikorawui Avāna hānga.
4"Iwui rao Moseswui ain, Horebli Israel saikorawui vang ina ali kaso kahai ain kala shiyan-chikanbing chi phaningunglu.
5Yanglu, ithumwui Avāwui khangachee khangachā zimiksho marāranglakha, ina nathumli marān Elijah chihovāra. a a v5 Jishuna, ra̱hikmi kasā John chi apamli hānghai kahai Elijah, awui vang wuklung shaksākharik khavai rākhame china da hānga (Matthew 11:14; 17:10-13). 6Ana avāngarāwui wuklung anaongarāli ngareimi, kala anaongarāwui wuklung ava̱ngarāli ngareimi, chithākha ina rāda ngalei chili tātungkapaina mashaothatmara."
