Ntsiku Inacita Baba Wathu
Pana ntsogolo ziwiri pa ntsiku ibodzi inacita Baba wathu: akudzikuza anapsa ninga udzu wakuuma, mbwenye ale anagopa dzina yace anabuluka mbatsamba-tsamba ninga ana a ng'ombe akubuluswa m'khola. Eliya asapikirwa kudza pakutoma, mbatumwa toera kutembenusira mitima ya ababa kuna anawo na mitima ya anawo kuna ababa awo.
4 1Onani—ntsiku iri kubwera, yakugaka ninga ng'anjo, pena anthu onsene akudzikuza na anyakucita pyakuipa onsene anadzakhala ninga udzu wakuuma; ntsiku ineyi inadzaapisa, alonga Baba wa anyankhondo a kudzulu, mbakhonda kuasiyira muzi nee nthambi. 2Mbwenye imwe ale munagopa dzina yanga, dzuwa ya kulungama inadzatuluka na kupola m'maphapido mwace, mbamudzabuluka mbamutsamba-tsamba ninga ana a ng'ombe anabuluka m'khola. 3Munadzaponda anyakuipa, thangwi anadzakhala dota pantsi pa miyendo yanu pa ntsiku inadzacita Ine, alonga Baba wa anyankhondo a kudzulu.
4“Kumbukani mwambo wa ntumiki wanga Mose, miyambo na mitongo idandampanga ku Horebe thangwi ya Izarayeli onsene.
5Onani, Ine ndinadzakutumizirani Eliya mprofeta, mbudzati kufika ntsiku ikulu yakugopswa ya Baba wathu. a a v5 Yezu apangiza kuti Juwau Mbatizi ndi Eliya adapikirwa pano, ule adabwera toera kukhunganya mitima ya anthu thangwi ya Iye (Mateu 11:14; 17:10-13). 6Iye anadzatembenusira mitima ya ababa kuna anawo, na mitima ya anawo kuna ababa awo, toera Ine ndikhonde kubwera mbandigomola dziko na kufudziswa kwakukwana.”
