மல்கியா 4

4 ¹இதோ, சூளையைப்போல எரிகிற ஒரு நாள் வருகிறது; அப்பொழுது அகந்தையுள்ள யாவரும் அக்கிரமம் செய்கிற ஒவ்வொருவரும் வைக்கோலைப்போல் இருப்பார்கள்; வருகிற அந்த நாள் அவர்களை எரித்துவிடும்; வேரையாவது கிளையையாவது அவர்களுக்கு விட்டுவைக்காது என்று பரலோக சேனைகளின் பிதா சொல்லுகிறார். ²ஆனாலும் என் நாமத்திற்குப் பயந்திருக்கிற உங்களுக்கோ, நீதியின் சூரியன் தன் செட்டைகளின்கீழ் ஆரோக்கியம் தந்து உதிக்கும்; நீங்கள் புறப்பட்டுப்போய், கொட்டிலிலிருந்து வரும் கன்றுக்குட்டிகளைப்போல் துள்ளிக்குதிப்பீர்கள். ³நீங்கள் துன்மார்க்கரை மிதிப்பீர்கள்; நான் செயலாற்றும் நாளில் அவர்கள் உங்கள் உள்ளங்கால்களின்கீழ் சாம்பலாய் இருப்பார்கள் என்று பரலோக சேனைகளின் பிதா சொல்லுகிறார்.

⁴“இஸ்ரவேலர் அனைவருக்காகவும் ஓரேபிலே நான் என் ஊழியக்காரனாகிய மோசேக்குக் கட்டளையிட்ட கட்டளைகளையும் நியாயங்களையும், அவனுடைய போதனையையும் நினைத்துக்கொள்ளுங்கள்.

⁵இதோ, எங்கள் பிதாவின் பெரிதும் பயங்கரமுமான நாள் வருகிறதற்குமுன்னே, நான் உங்களிடத்திற்குத் தீர்க்கதரிசியாகிய எலியாவை அனுப்புவேன். ^a a v5 இங்கே வாக்குத்தத்தம் பண்ணப்பட்ட எலியா யோவான்ஸ்நானன்தான் என்று இயேசு அடையாளங்காட்டினார்; அவரே தமக்காக இருதயங்களை ஆயத்தப்படுத்த வந்தவர் (மத்தேயு 11:14; 17:10-13). ⁶அவன் பிதாக்களின் இருதயத்தைப் பிள்ளைகளிடத்திற்கும், பிள்ளைகளின் இருதயத்தைப் பிதாக்களிடத்திற்கும் திருப்புவான்; இப்படியாக, நான் வந்து தேசத்தை முற்றிலும் அழிக்காதிருப்பேன்.”