मलाखी 4

4 ¹ पाहा — भट्टीसारखा जळणारा एक दिवस येत आहे, जेव्हा सर्व गर्विष्ठ व प्रत्येक दुष्कर्मी धसकटासारखे होतील; तो दिवस त्यांना जाळून टाकील, असे स्वर्गातील सैन्यांचा पिता म्हणतो, आणि त्यांना मूळ किंवा फांदी काहीही राहणार नाही. ² पण माझ्या नावाचे भय बाळगणाऱ्या तुम्हांसाठी नीतिमत्तेचा सूर्य आपल्या पंखांत आरोग्य घेऊन उगवेल, आणि तुम्ही गोठ्यातून सुटलेल्या वासरांसारखे उड्या मारीत बाहेर पडाल. ³ तुम्ही दुष्टांना तुडवाल, कारण मी कृती करीन त्या दिवशी ते तुमच्या तळपायांखाली राख होतील, असे स्वर्गातील सैन्यांचा पिता म्हणतो.

⁴ माझा सेवक मोशे याच्या शिकवणीची आठवण ठेवा — मी होरेब येथे सर्व इस्राएलासाठी त्याला आज्ञापिलेले नियम व निर्णय.

⁵ पाहा, आमच्या पित्याचा तो महान व भयावह दिवस येण्यापूर्वी मी तुमच्याकडे एलिया संदेष्ट्याला पाठवीन. ^a a v5 येशूने बाप्तिस्मा करणारा योहान यालाच येथे वचन दिलेला एलिया म्हणून ओळखले — जो येशूसाठी अंतःकरणे तयार करण्यास आला (मत्तय ११:१४; १७:१०-१३). ⁶ तो पित्यांची अंतःकरणे त्यांच्या मुलांकडे व मुलांची अंतःकरणे त्यांच्या पित्यांकडे वळवील, यासाठी की मी येऊन देशाला संपूर्ण नाशाने मारू नये.