Seneibü Bouei Kümbü Chalou
Seneibü Bou kümbü chalou chea longla thükbü nyi kia: amaibü kümbü shuong youho tegü youhotilabü, lausikei haoeibü nyen to hatbü shuong kailong ka longbü masu shoushou tegü tomko longlabü. Shaang Elija la ngühlang kua—bousi shuong maangpon haoeneibü shousi shuong jungto hoba shousi shuong maangpon haoeneibü bousi shuong jungto sepeitila shanga sendeilabü.
4 1Chühashi, chalou che louko kia, wanang tegü juokko, kho chaloua jembü dambü pendou hoba amaibü kümbü pendou youho yinglabü; ho chalouei haoen wan longtilabü, dogo Thükenbou Bouei lauda, hoba haoen la bunyu ayingsi bhek che aphokulabü. 2Lausikei kü nyen to hatbü kan shanga, saopobü chanyu haoeibü kaaka shat semtibü yoan longlabü, hoba kan kailong ka longbü masu shoushou tegü tomko longlabü. 3Kanei amaibü shuong jangnyinkulabü, aishanga ngei kümbü chaloua haoen kaneibü you phanga tap yinglabü, dogo Thükenbou Bouei lauda.
4Kü khangenbou Mosaeibü ngühkhüm, ngei Israel pendou shanga Horeba hao la sakkubü ngühkhüm deikhüm hoba matjembü, damenashi.
5Chühashi, seneibü Bou yaangbü hoba hatlamoklabü chalou aloushongko, ngei kan jungto thuseibou Elija sendeilabü. a a v5 Jisuei hanei thekubü Elija kho Baptist Jon, hao shanga maangpon yoshaila loubou ki dogo ngetikei (Matthew 11:14; 17:10-13). 6Haoei bousi shuong maangpon haoeneibü shousi shuong jungto sepeitilabü hoba shousi shuong maangpon haoeneibü bousi shuong jungto sepeitilabü, khei ngo louan kaodak to lemailela ashemtilabü.
