हाम्रा पिताले काम गर्नुहुने दिन

हाम्रा पिताले काम गर्नुहुने त्यही एक दिनमा दुई भविष्य: घमण्डीहरू ठुटाझैँ जल्छन्, तर उहाँको नाउँको भय मान्नेहरू गोठबाट छाडिएका बाछाझैँ उफ्रँदै निस्कन्छन्। पहिले एलियाको प्रतिज्ञा गरिन्छ — बुबाहरूको हृदय छोराछोरीतिर र छोराछोरीको हृदय बुबाहरूतिर फर्काउन पठाइने।

अध्याय 4।

हेर, भट्टीझैँ दन्किने एउटा दिन आउँदैछ; त्यस दिन सबै अहंकारी र हरेक कुकर्मी ठुटासरह हुनेछन्; त्यस दिनले तिनीहरूलाई जलाएर भस्म पार्नेछ, र तिनीहरूमा न जरा न हाँगा बाँकी रहनेछ, स्वर्गका सेनाहरूका पिता भन्नुहुन्छ। तर मेरो नामको भय मान्ने तिमीहरूका निम्ति भने धार्मिकताको सूर्य आफ्ना पखेटामा निको पार्ने शक्ति बोकेर उदाउनेछ, र तिमीहरू गोठबाट छुटेका बाछाहरूझैँ उफ्रँदै बाहिर निस्कनेछौ। तिमीहरूले दुष्टहरूलाई कुल्चनेछौ, किनकि म काम गर्ने दिनमा तिनीहरू तिमीहरूका पैतालामुनिको खरानी हुनेछन्, स्वर्गका सेनाहरूका पिता भन्नुहुन्छ।

“मेरा दास मोशाको व्यवस्था सम्झ—सारा इस्राएलका निम्ति होरेबमा मैले तिनलाई दिएका विधिविधान र नियमहरू सम्झ।

हेर, हाम्रा पिताको महान् र भयानक दिन आउनुअघि म तिमीहरूकहाँ एलिया अगमवक्तालाई पठाउनेछु। ^a तिनले बुबाहरूका हृदय आफ्ना छोराछोरीतिर र छोराछोरीका हृदय तिनीहरूका बुबाहरूतिर फर्काउनेछन्, ताकि म आएर यस देशलाई सम्पूर्ण विनाशले प्रहार नगरूँ।”