Ani Pa na Chwanlaang Tonu Lumik
ani Pa na chwan tonu lumik khat bi thinu ni amme: lian inku tonu nun ga ba owei damnu lousam danga rou lune, atiyeda Bameng ding kachinu nun ga bain bina pentat swaknu sen swan danga karo taga pentat swaklune. Elijah ding kama pi lang chong karen thang rwe—pu pa rwan om sung ding bani sa nao rwan khou, khatle sa nao rwan om sung ding bani pu pa rwan khou pi kanei thang lang hung thanglune.
Ani Pa na chongkhak hei bing bi kabia nge 1–6
4 1Phaang ngo, meikhun danga rou dingnu lumik khat hung ongme; haba lumik pi lian tonu nun bing ambasaan khatle sa maknu chwan tonu bing bachan sianu nga ba owei damnu lousam danga onglune. Haba lumik na bani ding rou sat thangluga bani lang kamong le kachang le kik taat thangsia maklune, diga tambaan kraanmi rwan om Pa na rinne. 2Atiyeda Ameng ding kachinu nani lang ga, ririak senu om nisat gana baom batha bi naanu pi sa thangnu le nat kalune; atiga nanina bain bina pentat swaknu sen swan danga karo taga pentat swaklune. 3Nanina sa maknu nun ding kadim kataalune, balangbe Eina chwanlaang tonu lumik pi banina nani ket kadim riak pi kaphut danga onglune, diga tambaan kraanmi rwan om Pa na rinne.
4“Aswak Moses om chongtan ding, khatle Israel mi bing nga lang Horeb bi Eina maan khou zathang pi thangnu zathang bing le chongsem bing le baningsuwo.
5Phaang ngo, ani Pa om lian kataknu khatle kachinu lumik hung tang mak chungna, Eina nani khou thiamting Elijah ding lang hunglune. a a v5 Jisu na heibi chonghen pi thangnu Elijah ga Baptize tonu John gaye, maan ga Bapum lang mi nun om sung pi tip thang lang hungnu gaye diga rin thang rwe (Matthew 11:14; 17:10-13). 6Maanna pu pa rwan om sung ding bani sa nao rwan khou, khatle sa nao rwan om sung ding bani pu pa rwan khou pi kanei thanglune, heiya Eina hungluga talei ram ding tamun braan sat lang ka bwei laye.”