ଆମ୍ଭମାନଙ୍କ ପିତାଙ୍କ କାର୍ଯ୍ୟ କରିବାର ଦିନ

ଆମ ପିତା କାର୍ଯ୍ୟ କରୁଥିବା ସେହି ଏକ ଦିନରେ ଦୁଇଟି ଭବିଷ୍ୟତ: ଅହଙ୍କାରୀମାନେ ନଡ଼ା ପରି ଜଳିଯାଆନ୍ତି, ଆଉ ଯେଉଁମାନେ ତାଙ୍କ ନାମକୁ ଭୟ କରନ୍ତି ସେମାନେ ଗୁହାଳରୁ ଛଡ଼ା ବାଛୁରି ପରି ଡିଆଁମାରି ବାହାରିଯାଆନ୍ତି। ପ୍ରଥମେ ଏଲିୟଙ୍କ ପ୍ରତିଜ୍ଞା ଦିଆଯାଏ — ପିତାମାନଙ୍କ ହୃଦୟ ସନ୍ତାନମାନଙ୍କ ଆଡ଼କୁ ଓ ସନ୍ତାନମାନଙ୍କ ହୃଦୟ ପିତାମାନଙ୍କ ଆଡ଼କୁ ଫେରାଇବାକୁ ପଠାଯାଇଥିବା।

ଅଧ୍ୟାୟ 4।

ଦେଖ, ଦିନ ଆସୁଅଛି, ତାହା ଭାଟି ପରି ପ୍ରଜ୍ଵଳିତ ହେବ, ଯେତେବେଳେ ସମସ୍ତ ଅହଙ୍କାରୀ ଓ ପ୍ରତ୍ୟେକ କୁକର୍ମକାରୀ ନଡ଼ା ସ୍ଵରୂପ ହେବେ; ସେହି ଦିନ ସେମାନଙ୍କୁ ଜ୍ଵଳାଇ ଦେବ, ଆଉ ସେମାନଙ୍କ ପାଇଁ ମୂଳ କି ଶାଖା କିଛି ଅବଶିଷ୍ଟ ରଖିବ ନାହିଁ, ଏହା ସ୍ଵର୍ଗୀୟ ବାହିନୀଗଣର ପିତା କହନ୍ତି। କିନ୍ତୁ ତୁମ୍ଭେମାନେ ଯେଉଁମାନେ ଆମ୍ଭ ନାମକୁ ଭୟ କର, ତୁମ୍ଭମାନଙ୍କ ପ୍ରତି ଧାର୍ମିକତାର ସୂର୍ଯ୍ୟ ଆପଣା ପକ୍ଷରେ ଆରୋଗ୍ୟ ଘେନି ଉଦିତ ହେବ, ପୁଣି ତୁମ୍ଭେମାନେ ବାହାରି ଆସି ଗୋଠର ବାଛୁରିମାନଙ୍କ ପରି ନାଚି ବୁଲିବ। ପୁଣି ଆମ୍ଭ କାର୍ଯ୍ୟ କରିବାର ଦିନ ତୁମ୍ଭେମାନେ ଦୁଷ୍ଟମାନଙ୍କୁ ଦଳିତ କରିବ, କାରଣ ସେମାନେ ତୁମ୍ଭମାନଙ୍କ ପଦତଳର ଭସ୍ମ ସ୍ଵରୂପ ହେବେ, ଏହା ସ୍ଵର୍ଗୀୟ ବାହିନୀଗଣର ପିତା କହନ୍ତି।

“ଆମ୍ଭ ଦାସ ମୋଶାଙ୍କ ବ୍ୟବସ୍ଥା, ଅର୍ଥାତ୍‍ ସମଗ୍ର ଇସ୍ରାଏଲ ନିମନ୍ତେ ହୋରେବରେ ଯେଉଁ ବିଧି ଓ ଶାସନ ଆମ୍ଭେ ତାହାଙ୍କୁ ଆଜ୍ଞା କଲୁ, ତାହା ସ୍ମରଣ କର।

ଦେଖ, ଆମ୍ଭମାନଙ୍କ ପିତାଙ୍କ ମହାନ୍‍ ଓ ଭୟଙ୍କର ଦିନ ଉପସ୍ଥିତ ହେବା ପୂର୍ବରୁ ଆମ୍ଭେ ତୁମ୍ଭମାନଙ୍କ ନିକଟକୁ ଏଲୀୟ ଭାବବାଦୀଙ୍କୁ ପ୍ରେରଣ କରିବା। ^a ସେ ପିତାମାନଙ୍କ ହୃଦୟ ସନ୍ତାନଗଣ ପ୍ରତି ଓ ସନ୍ତାନଗଣର ହୃଦୟ ସେମାନଙ୍କ ପିତାମାନଙ୍କ ପ୍ରତି ଫେରାଇବେ, ତେବେ ଆମ୍ଭେ ଆସି ଦେଶକୁ ସମ୍ପୂର୍ଣ୍ଣ ବିନାଶରେ ଆଘାତ କରିବା ନାହିଁ।”