Kilumbu kina Tata wetu Kahanga
Phila zodi mu kilumbu kimosi kina Tata wetu kahanga: batu ba lulendu bakálema hanga mwangu, amana bana bisi yuka bweya mu khumbu yandi bakátota, bakázawuka hanga bana ba bangombi mana makatuswa mu dinda. Diya wásilwa theti — watumwa mu kuvutula mbundu za batata kwena bana, amana mbundu za bana kwena batata ba bawu.
Tata wetu kisi zonza mu mavese 1–6
4 1Tala, kilumbu kimosi kyakwísa, kisi lema hanga ziku dya mbawu. Muna kilumbu meni kina, batu boosu ba lulendu yi wosu wuna wisi hanga mbi bakála mwangu wa kuyuma; kilumbu meni kina kyabayoka, wuzimbudi Tata, Mukwa Ngolu Zoosu, konda kubasisila keti musodi keti muhandi. 2Kaasi kwena benu bana lwisi yuka bweya mu khumbu yama, tangwa dya masonga kadibala ni kubuka muna mahela mandi, amana lwalúbuka, lwazawuka hanga bana ba bangombi mu dinda. 3Lwadyátikisa batu ba mbi, mukuma bakála mbombi ku tsi ya bitambi bya malu menu muna kilumbu kina yihanga, wuzimbudi Tata, Mukwa Ngolu Zoosu.
4«Bambukenu malongi ma musadi wama Moyize, mitsiku yi khabu mina yámuheka ku Holebi kikuma kya Kiseledi dyosu.
5Tala, meni yílutuma Diya, mbikudi, theti ya kutula kwa kilumbu kya lawu yi kya bweya kya Tata wetu. a a v5 Yesu wásonga ni Yowani Mbotiki kenina Diya wuna wázonzama hava, wuna wakwísa mu kuyilamisa mbundu za batu kwena yandi (Matayi 11:14; 17:10-13). 6Kavútula mbundu za batata kwena bana ba bawu, amana mbundu za bana kwena batata ba bawu, hanga yakwisaku beta tsi mu kuzangana kwa lawu.»
