Koteech Utaatyet Kootnyi
Koriik aeng', kuurenosyek aeng', che kuursei pichooto che siirtoi che matinyei naet. Po utaatyet ko tinyei mesa ne kagiteech ak amitwogik che kagichopchi; po abusnateet ko goochini peek che kagitob ak magatiinik che amei eng' mesundeito. Teritetap icheek ko ma ngunet ago kiy ne koganyei kwenut. Eng' kwenunnywa ko mi ng'aleek agobo kayanet.
9 1Kateech utaatyet koonnyi; kaatany tolochikwak che tisap. a a v1 Kaagoigenu utaatyet eng' Jeso, utaatyetap Kamuktaindet — 1 Korintho 1:24, 30; Kolosai 2:3. 2Kaeeny tyong'iikyik; kagiburukto divaikyik; ak kaachop kora mesennyi. 3Kaayookto lagok che tiibiik si koguur eng' komoswek che toroor miising' eng' nganaseet, kole: 4“Chiito age tugul ne matinyei naet, ingonyo yu!” Ak koleenji chiito ne matinyei muguleldo, 5“Nyoo, iam magatiinikyuk ak ii divaik che kagiburukto. 6Iste ortinweguk che matinyei naet, ak isob; iwe eng' ooreetap kaguiyet.” 7Chiito age tugul ne chechi chombindet, koibu abusnateet eng' ineegei, ak chiito ne iger kong' chii ne ya, komyan. 8Amat iger kong' chombindet, amu kowech inyee; iger kong' chiito ne ng'oom, ak kochamin. 9Ineet chiito ne ng'oom, ak koing'omitu kosiir; ineet chiito ne po iman, ak koneetkei ne siirei. 10Iywenatetap Kwandanyo ko taunetap utaatyet, ak naetap Ne Tiliil ko kaguiyet. 11Amu eng' anee kotesagis peetuusyeguk, ak keteswook kenyiisyek eng' saboondang'ung'. 12Ngo ii ng'oom, ii ng'oom agobo inyeegei; ngo ichombil, ibei inyee kityo.
Gursetap Perbernatet ne Lembech
13Kwondo ne perber ko kuurei eng' kutit ne oo; ma tinyei naet ak ma ngen kiy. 14Tebee eng' kurgeetap koonnyi, eng' ng'echereet eng' komoswek che toroor miising' eng' nganaseet, 15kuursei pichooto che siirtoi, che wendi lit eng' ortinwekwak: 16“Chiito age tugul ne matinyei naet, ingonyo yu!” Ak koleenji chiito ne matinyei muguleldo, 17“Peek che kachoor ko anyiny, ak magatiinik che kiam eng' ung'oot ko karaaran.” 18Ago ma ngen kole che kagobek mi yooto, kole mi toekyik eng' rirosyegap olemi.