Buddhi pora tai laga ghor bonai ase
Dui-ta ghor, dui-ta nimontron, duita pora bhi eke sidha-sadha rasta te juwa manuh khan ke matiye. Buddhi laga ghor te mez sajai ase aru khana taiyar ase; Murkhata laga ghor pora chur kori kene ana pani aru lukai kene khai diya roti di ase. Farak to dibo laga kotha te nohoi, kintu bhitor te ki thaki ase etu te ase. Duita laga majot te dhomki diya laga kotha khan ase.
9 1Buddhi pora tai laga ghor bonai loise; tai pora tai laga sat-ta khamba kati kene ulai loise. a a v1 Buddhi tu Jisu te purah hoi ase, Isor laga buddhi — 1 Korinthi 1:24, 30; Kolosi 2:3. 2Tai pora tai laga janwar khan ke katise; tai pora tai laga draksha ros milaise; aru tai pora tai laga mez bhi taiyar korise. 3Tai pora tai laga jawan mohila khan ke sohor laga sobse untcha jagah khan pora matibole pathaise: 4“Kun manuh buddhi-heen ase, tai yate ahhibi!” Buddhi nathaka manuh ke tai koise, 5“Ahhibi, moi laga rooti khabi aru moi milai diya draksha ros pibi. 6Tumar buddhi-heen rasta khan chari dibi, aru jinda thakibi; buddhi laga rasta te berai kene jabi.” 7Kun manuh pora thatta kora ekjon ke thik kore, tai nijor ke apman ane, aru kun pora dusto manuh ke dhomkai, tai nijor ke chot pai. 8Thatta kora manuh ke nadhomkabi, nahole tai tumi ke ghin koribo; buddhiman manuh ke dhomkabi, aru tai tumi ke morom koribo. 9Buddhiman manuh ke sikhai dibi, aru tai aru bhi buddhiman hobo; dharmik manuh ke sikhabi, aru tai aru bhi bisi sikhibo. 10Amar Pitri ke bhoi kora tu buddhi laga shuru ase, aru Pobitro Jon ke jana tu gyaan ase. 11Kilemane moi pora tumar din khan bisi hobo, aru tumar jivon te bosor khan juri dibo. 12Jodi tumi buddhiman ase, tumi nijor nimite buddhiman ase; jodi tumi thatta kore, tumi ekla pora etu bhar uthabo.
Murkhota laga nokol nimontron
13Murkho mohila tu hala kora ase; tai buddhi-heen ase aru eku najane. 14Tai tai laga ghor laga dorja te, sohor laga sobse untcha jagah khan te asan te bohi ase, 15paar hoi kene jai thaka manuh khan ke, kun tarkhan nijor rasta te sidha jai ase, taikhan ke matikena: 16“Kun manuh buddhi-heen ase, tai yate ahhibi!” Aru buddhi nathaka manuh ke tai koise, 17“Chur kora pani tu mitha ase, aru lukai kene khua rooti tu bhal lage.” 18Kintu tai najane, mora manuh khan ta te ase, aru tai laga mehman khan kobor laga gohira te ase.