Kowolji Job
Kowolji Job ochombil eng' ochombil, kole meei utaatyet kobooto okweek, yeityo kole agot tyong'ik ak toriitik ko ngen kole ki yai eutap Kwandanyo kiit ni. Ma po kaigaiet kalewenennyi: istoe Kamuktaindet ng'omnotik, ak kirwoogik, ak tisiik, ak laitorinik, ak kobagaakta kandoigap ng'wony koriipirip eng' kutunet.
12 1Ki wol Job, koleenji: 2Ma mi kayaneet, okweek ko piik, ak meei utaatyet kobooto okweek. 3Ago atinye muguleldo ko uu okweek; ma aa ne ming eng' okweek. Ng'oo ne ma ngen tuguuk che uu chu? 4Aegu kiy ne iguei piik eng' choronokyuk—anee, ne ki aguure Kamuktaindet ak kowolwo; chiito ne po imanda ak ne ititaat, ago nguno aegu kiy ne iguei. 5Tinyei piik che boiboi sasisyet agobo nyalilda— pareet ne kaachoboge che ngwanda keelyekwak. 6Mi kaalyeet emaisyegap rebiik, ak kimiit che tachei Kamuktaindet—icheek che ibu kamuktaindennywa eng' eunekwak. a a v6 Icheek che ibu kamuktaennywa eng' eunekwak: piik che iyan kimnateennywa icheek tugul, mageyan Kamuktaindet. 7Ago iteep tyong'ik, ak koneetin; toriitik che po kipsengwet, ak komwaun; 8anan ing'alaalji ng'wony, ak koneetin; ak koboorun njireenigap aroochiin. 9Ng'oo eng' chu tugul ne ma ngen kole ki yai eutap Kwandanyo kiit ni? b b v9 Eng' ng'alaleet ne koi ne ki ng'alaal ak choronokyik somok, ko komosta agenge ni ne guure Job Kwandanyo eng' kaina — kaina ne po tupnatet ne ma kuuyei choronokyik agine. Mugulelyonnyi, agot eng' kaboorunetap belyeet, ichoonji Kwanda ne ki ngen kiny. 10Mi eunnyi saboondap tuguuk tugul che sabei ak kabuusetap kimugulmet tugul. 11Tos ma tyeme itit ng'aleek ko uu ye ngemei kutit amitwogikyik? 12Mi utaatyet eng' poisyek, ak kaguiyet eng' chaang'indap peetuusyek. 13Mi kobooto ineendet utaatyet ak kimnateet; po ineendet ng'omnateet ak kaguiyet. 14Kiy ne ng'emei ineendet ko ma kiteech kogeny; chiito ne ger ineendet ko ma kipagaakta. 15Ngot koger peek, koyaam; ngot kobagaakta, koibok emet. 16Mi kobooto ineendet kimnateet ak utaatyet ne lumdaat; po ineendet tuwai ne kiberber ak kaberberindet. 17Kondoe ing'omnatik ko kagireegune, ak koyaei kirwoogik koek perber. 18Yaatei ratuutik che kirate laitorinik, ak rate kuniet eng' kuneennywa. 19Kondoe tisiik ko kagireegune, ak ng'emei che kigimit koi. 20Istoi ng'aleegap che kiyan, ak istoi poisyek kaguiyet. 21Roong'ji sasisyet pounik, ak istoi che kiimeen kimnateennywa. 22Ng'aany tuguuk che koi eng' mesundeito, ak ibu urwet ne koi konyo lapkeiyet. 23Yaei pororyosyek koek oo, yeityo kong'em icheek; ibaroi pororyosyek, yeityo kondoe icheek. 24Istoi kaguiyet ne po pounigap ng'wony, ak yaei koombenoti eng' timiin ne ma mi ooreet. 25Sabsabisyoti eng' mesundeito ne ma mi lapkeiyet, ak yaei komweiso ko uu kabogit.