Psalms 145

145 ¹ I go lift you up, my Papa, my King, and I go bless your name forever and ever.

² Every day I go bless you, and I go praise your name forever and ever. ³ Our Papa great well well, and E deserve praise pass everything; nobody fit measure how E great.

⁴ One generation go tell anoda one about the things wey You do, and go announce your mighty works. ⁵ I go think deep about the glorious shining of your majesty and about your wonderful works. ⁶ Dem go talk about the power of your awesome deeds, and I go proclaim how You great. ⁷ Dem go dey full up with the news of your plenty goodness, and dem go sing with joy about your correct-and-holy way.

⁸ Our Papa dey show grace and E full with tender mercy wey dey pain belle, E no dey quick vex and E great for Covenant love. ⁹ Our Papa good to everybody, and Im heart of tender mercy wey dey pain belle dey rest on top everything wey E make. ¹⁰ All the things wey You make go thank You, our Papa, and your faithful people go bless You. ¹¹ Dem go talk about the glory of your kingdom and tell about your power, ¹² so dem go make people pikin know your mighty deeds, and the glorious shining of your kingdom. ¹³ Your kingdom na kingdom wey no dey end, and your rule dey stand for all generations. Our Papa faithful for all im words and E dey show grace for all im works.

¹⁴ Our Papa dey hold up all wey dey fall, and E dey raise up all wey bend down. ¹⁵ The eyes of everybody dey look You, and You dey give dem their food for the right season. ¹⁶ You dey open your hand and satisfy the desire of every living thing.

¹⁷ Our Papa dey follow correct-and-holy way for all im ways and E faithful for all im works. ¹⁸ Our Papa dey near all wey dey call am, all wey dey call am for truth. ¹⁹ E dey answer the desire of those wey dey fear am; E dey hear their cry and E dey save dem. ²⁰ Our Papa dey watch over all wey love am, but all the wicked people E go destroy.

²¹ My mouth go talk the praise of our Papa; make every living thing bless im holy name forever and ever.