Dhokataa Warra Ari'amaniif
Baqattoonni Moaab akka godaansa bittinnaa'e raafamu, gaaddisa Sioniin jala dhokatu jedhamu, teessoon jaalala kakuu isaaf dhiyaata. Garuu of tuulummaan Moaab of jajuu duwwaa dha, kadhannaan isaa bakka ol-aanaa irratti hin injifatu. Abbaan keenya dubbateera; raajichi ta'ullee ni booya.
Abbaan keenya lakkoofsa keessatti dubbata 14
16 1Hoolaa xixiqqaa Sela irraa karaa gammoojjiitiin gara tulluu intala Xiyoonitti, bulchaa biyyaatiif ergaa. 2Akka simbirroota balali'an, akka godoo bittinnaa'e, akkasuma intaloonni Moo'aab dabarsa Arnon irratti in jiru. 3Gorsa kenni; murtii qajeelaa kenni; gaaddisa kee guyyaa saafaa giddu galeessatti akka halkaniitti godhi. Warra ari'aman dhoksi; baqataa hin dabarsin. 4Yaa Moo'aab, warri koo ari'aman si bira haa jiraatan; barbadeessaa irraa dhokataa isaaniif ta'i. Cunqursaan yeroo dhabame, barbadaa'uunis yeroo dhaabbate, warri dhidhimsanis lafa irraa yeroo badan, 5yommus teessoon in dhaabama; gaarummaa kakuutiin, dhugaa-qabeessummaadhaanis godoo Daawit keessatti isa irra namni murtii kennu, murtii qajeelaa barbaaduu, qajeelummaa raawwachuufis hatattamu in taa'a. 6Of-jajaa Moo'aab—akka inni baay'ee of jajutti—of-tuffii isaa, of-jajaa isaa fi dheekkamsa isaa dhageenyeerra; of-jajuun isaa onaa dha. 7Kanaaf Moo'aab Moo'aabiif haa boo'u; hunduu haa boo'u. Guutummaatti rukutamtanii, keekii ija wayinii goggogaa Kiir-Haareset irratti gadadoodaa. 8Dirreen Heshboon waan goga'eef, wayinni Sibmaas immoo; bulchitoonni saboota damee isaa filatamaa isa hanga Yaazeritti ga'e cabsaniiru; isa gammoojjii keessa jallate; damee isaa babal'atee galaana ce'e. 9Kanaaf booqa Yaazeritiin wayinii Sibmaatiif nan boo'a; yaa Heshboon fi El'aaleh, imimmaan kootiin si nan jiisa, sababii midhaan bonaa kee fi sassaabaa kee irratti iyyi lolaa kufeeraatii. 10Gammachuu fi ililchi lafa omishaa irraa fudhatame, iddoo wayinii keessattis faarfannaan hin faarfatamu, iyyi gammachuu hin ol kaafamu. Namni tokkoyyuu iddoo cuunfaa keessatti wayinii hin cuunfu; iyyi sana ani dhaabseera. 11Kanaaf onneen koo Moo'aabiif akka kiraaraa in gungumata, garaan koo Kiir-Heresiif. a a v11 Onneen Abbaa keenyaa Moo'aabiifuu in gungumata — gaddi isaa saba murtiin isaa tuqe hundumatti ga'a. 12Yeroo Moo'aab of dhiheessu, yeroo iddoo ol-aanaa irratti of dadhabsiisu, kadhachuufis iddoo qulqullummaa isaatti dhufu, hin mo'u. b b v12 ‹Iddoo ol-aanaa› iddoo sagadaa tulluu irra ture; waaqeffannaa fi aarsaa waaqeffattootaaf oolaa ture.
13Kun dubbii Abbaan keenya waa'ee Moo'aab duraan dubbate dha.
14Garuu amma Abbaan keenya dubbateera, «Waggaa sadii keessatti, akka waggaa hojjetaa mindaa'aa, ulfinni Moo'aab, baay'inni isaa guddaan hundumti iyyuu, in tuffatama; hafaan immoo baay'ee xiqqaa fi dadhabaa in ta'a.»
