Raighai Thāda Sharuk Kahai Male
Laa khamunga akhavāwui vang. Davidwui laa.
Hili raikhavai chiya tui china — malātheira̱ thāda kakharā male, khamathui mi akhali ngathumda kakhā tui eina kapei, ngalā kasā mibingna ithumli khipāna theirakhala da phaningda. Ithumwui Avāwui malā akhana kahāngsang, kala athumwui male chinana athumli khamā za̱ngasaka.
64 1O iwui Avā, iwui chapchātli iwui akhon nganāmilu; yangkashewui khangacheewui eina iwui mirin khamayonmilu. 2Makhayābingwui ngathum khangarānwui eina, makaphā kasābingwui ngaunkakharop yaruiwui eina ili thumhaimilu. 3Athumna athumwui male raighai thāda zan ngasaka; athumwui kakhā tui malāthing thāda rina, 4Shāt makakāli ngathumda kāpa; athumna ali kashuirak eina kala mangacheela kāphaira. 5Athumna athumwui makaphā sākhangai singtitta; khalen ngathumda sang khavai matui, kala hānga, "Khipāna chi theira?"
6Athumna makhamashung ngarānda hānga, "Ithumna mathāda ngarānhai khangarān akha kāshung ngasakhaira." Miwui alung kaphaning kala wuklung thuklaka. 7Kha ithumwui Avāna malā akha eina athumli kāpra; kashuirak eina athum khamā za̱ra. 8Athum phei ngaphok ngasakhaira; athumwui male khalattawuitungli latungra; athumli kathei saikorana kui khanukra.
9Chieina mi saikorana ngacheera; athumna ithumwui Avāwui otsak vaomalānra kala ana sāmi kahai chi phaningkachungra. 10Khamashungbing ithumwui Avāli mathānda ringphāranu kala ali ngayinkhuiranu; wuklung khangatarbing saikorana khamathānwui vang vaoranu!
