Ngüh In Tegü Ulabü
Chia leiyeibou shanga. Dawideibü chia che.
Hibü thükkanam kho ngüh ki—tongde in tegü ulabü, khauekbü ngüh huphanga lamthen ka mangsen akibü müt to kipbü, lamthen aoeikei ahaplabü dogo thükbü shuongei. Seneibü Bouei laujin cheei kho jongaida, hoba haoeneibü lulueibü tongdeei haoen leilutilabü.
64 1Ngeibü ngüh ditashi, Abou, ngeibü manghaap ka; dangboueibü hatbü ka ngeibü langkei püetashi. 2Amaibü shuongeibü huphanga lamthen ka ngo huashi, amaibü kümbü shuongeibü aei maibü mütshang ka ngo senetashi. 3Haoenei lulueibü ngüh in tegü ulada; lulueibü khauekbü ngüh laujin tegü semda, 4La thoshang ka mubü to kipla shanga; haoenei hao to mangde hoba hatbü ayingko kipda. 5Haoenei lulueibü amaibü lamthen to himlepan kida; haoenei huphanga sung sankula shangabü joyoda hoba laukei, “Aoei kho haplabü?”
6Haoenei amaibü huonda hoba laukei, “Künei maian dambü lamthen pentisoukei.” Müteibü maangae thounoubü hoba maangpon haübü kia. 7Lausikei seneibü Bouei haoen to laujinei kiplabü; mangde haoen leilutilabü. 8Haoen phaiyetlabü; lulueibü ngühei haoen khulimbo yeilabü; haoen to hapbü pendouei lulueibü khu shaknyinlabü.
9Kheijinei müt pendouei hatlabü; haoenei seneibü Bou kümsilei phinthonlabü hoba haoei kümbü damanchühlabü. 10Saopobü shuong seneibü Bou to olinyotishima hoba hao junga yungtishima; maang tangbü shuong pendouei olinko ngekshima!
